Ձեր վստահելի աղբյուրը

«Եթե քննարկումների, սոցհարցումների արդյունքում պարզվի, որ առաջարկված «Ես եմ», «Պատիվ ունեմ» ծրագրերն անհրաժեշտ չեն, կշարունակենք փնտրել այլ միջոցներ, եղանակներ: Ես չեմ պնդում, առաջարկել եմ հանրային քննարկման»,- լրագրողների հետ հանդիպմանն ասաց ՀՀ պաշտպանության նախարար  Վիգեն Սարգսյանը՝ խոսելով նախօրին ներկայացված այդ երկու ծրագրի մասին: 

Նրա ներկայացմամբ, «Ես եմ» ծրագրի նպատակն առաջնագծում ծառայողի  կարգավիճակն այլ զինծառայողների կարգավիճակից տարբերակելն է և շեշտը դրվում է այդ բարդ ծառայությունը կամովին ընտրելու կոնցեպտի վրա:

Խոսելով «Պատիվ ունեմ» ծրագրի մասին, որի գաղափարախոսությունն է` բուհական տարկետումը կապել ապագա սպայական ծառայության հետ,  նախարարն ասաց, որ մտադիր է մանրամասն քննարկել այն թիրախային խմբերի հետ, ում վրա այս քաղաքականությունը կարող է  ներազդեցություն ունենալ:

«Բավականաչափ ժամանակ ունեմ, կփորձեմ մինչև աշուն ամփոփել քննարկումները, որպեսզի աշնանային նստաշրջանի ժամանակ այդ քննարկումների հիմքի և արդյունքի վրա ի վիճակի լինեմ ձևակերպել քաղաքականությունը»,- ասաց Վիգեն Սարգսյանը:

Ծրագրերի մասին մանրամասն՝ տեսանյութում: