Ձեր վստահելի աղբյուրը

Հասարակական տրանսպորտի ոլորտում մենք մեծ  բարեփոխումներ ենք իրականացնելու, տեսնում ենք լուծումները: Այսօր Էրեբունի վարչական շրջանում մինչ ընտրողների հետ հանդիպման մեկնարկը լրագրողների հետ զրույցում ասաց Երևանի գործող քաղաքապետ, Երևանի ավագանու ընտրություններում ՀՀԿ ընտրական ցուցակը գլխավորող Տարոն Մարգարյանը:

«Լավ տրանսպորտ ունենալու համար պետք է խնդրենք մեր քաղաքացիներին մի քիչ համբերեն, մի քիչ ներողամիտ լինեն: Մենք կարճ ժամանակում կփորձենք խնդիրը լուծել: Մեր համար դա գերակա խնդիր է»,-ասաց նա:

Անդրադառնալով Էրեբունի բնակիչ  լրագրողի կողմից բարձրաձայնած «ջրամատակարարման խայտառակ վիճակի» վերաբերյալ հարցին, քաղաքապետ Մարգարյանն ասաց. ««Վիոլա» ընկերությունը հաղթող ճանաչվեց վերջերս հայտարածած մրցույթում: Մեր քաղաքացիների կողմից բարձրաձյնած խնդիրները մենք ներկայացնում ենք: Եթե թերացումներ կան, մենք անպայման կանդրադառնանք: Երևան քաղաքի 8-ից ավելի վարչական շրջաններում մենք ունենք շուրջօրյա ջրամատակարարում»:

Մարգարյանն ասաց, որ Էրեբունի վարչական շրջանի մասում էլ 24-ժամյա ջրամատակակարում կա:

«Մենք գալու ենք նրան, որ Երևան քաղաքում խմելու ջրի հետ կապված խնդիր չենք ունենա: Ժամկետներ չեմ կարող նշել, բայց մեր կողմից կլինի խիստ պահանջ, որ շուտ կարգավորեն խնդիրը: Մենք հետամուտ ենք լինելու, որ պարտավորությունները 100 տոկոսով կատարվեն»,-ասաց նա:

Անդրադառնալով մրցակիցների վերաբերյալ հարցին, թե իր հետ առաջադրված քաղաքակն ուժերը գլխավորում են գերակտիվ գործիչներ, Տարոն Մարգարյանն ասաց. «Շատ լավ է, ուրախ կանցնի»:

Նշենք, որ ՀՀԿ-ն քարոզարշավն իրականացնում է  «Հանուն Երևանի» կարգախոսով: Երևանի ավագանու ընտրությունների քարոզարշավի մեկնարկը տրվեց Էրեբունի վարչական շրջանից: Դրա ընթացքում Երևանի քաղաքապետ, ՀՀԿ նախընտրական ցուցակը գլխավորող Տարոն Մարգարյանը ավագանու թեկնածուներ Սմբատ Լպուտյանի, Հովիկ Մուսայելյանի, Արա Երնջակյանի, Նաիրա Նահապետյանի, Երվանդ Երզնկյանի, Դավիթ Գրիգորյանի հետ միասին կհանդիպեն էրեբունցիների հետ:

Էրեբունի վարչական շրջանի Ազատամարտիկների այգում, այնուհետ կշարունակվեն Նոր–Արեշ 7-րդ փողոց, Դիմիտրովի 5-րդ նրբանցք և Խաղաղ-Դոնի 5-րդ շենքի բակի հասցեներում: