Ձեր վստահելի աղբյուրը

Այսօր ՀՀ բնապահպանության նախարարության խորհրդակցությունների դահլիճում
նախարար Արծվիկ Մինասյանի նախաձեռնությամբ տեղի է ունենում հանրային քննարկում Գոշ լճի խնդիրների վերաբերյալ: Քննարկմանը բացի լրատվամիջոցների ներկայացուցիչներից ներկա էին նաև քաղաքացիական հասարակության ներկայացուցիչներ և բնապահպանական խնդիրներով մտահոգ քաղաքացիներ:

Մինչ բուն քննարկմանն անցնելը՝ Արծվիկ Մինասյանը նշեց. «Բնապահպանության նախարարությունը պատրաստ է, ոչ միայն սահմանված օրենքներով վերապահված գործառույթները իրացնել, այլ բնական ռեսուրսների ամբողջ կառավարման համակարգը իսկապես դաձնել պետւթյան, սերունդների համար կայուն զարգացման հիմք»:

Նախարարը նաև շնորհակալություն հայտնեց Գոշ լճի ճակատագրով մտահոգ քաղաքացիներին՝ իրենց ցուցաբերած կեցվածքի, օժանդակության ու աջակցության համար՝պետական մարմնին: Նախարարը նաև շնորհակալագիր հանձնեց Տիգրան Շահբազյանին՝ ակտիվ աշխատանքի համար: