Ձեր վստահելի աղբյուրը

Երևանում ապրիլի 12-20-ը 1044 քաղաքացիների շրջանում անցկացված հարցումը ցույց է տվել, որ ավագանու առաջիկա ընտրություններում Տարոն Մարգարյանին պատրաստ է ձայն տալ 61.2, Նիկոլ Փաշինյանին՝ 11.5 և Զարուհի Փոստանջյանին՝ 3.9 տոկոսը: Ավելին հարցվածների 62.3 համոզմունք է հայտնել,ո ր հենց Տարոն Մարգարյանն է ունակ լուծել Երևանի առջև ծառացած հիմնախնդիրները: Նիկոլ Փաշինյանի նկատմամբ վստահություն է հայտնել հարցվածների 12.1, Զարուհի Փոստանջյանի նկատմամբ՝4.2 տոկոսը:

Ինչ վերաբերում է ընտրություններին մասնակցել-չմասնակցելու խնդրին, ապա հարցվածների 54.3 տոկոսը նշել է, որ միանշանակ մասնակցելու է քվեարկությանը, մինչդեռ 9.4 տոկոսը հայտարարել է, որ հաստատ չի մասնակցելու Երևանի ավագանու ընտրություններին: Լրագրողների հետ այսօր կայացած հանդիպման ժամանակ այս մասին ասաց Gallup International Association-ի հայաստանյում լիիրավ անդամ «Էմ Փի Զի» ՍՊԸ տնօրեն Արամ Նավասարդյանը՝ հավելելով, որ հաջորդ հարցումը կիրականցվի մայիսի 1-10-ն ընկած ժամանակահատվածում:

Հատկանշանական է, որ վերջին չորս տարիների ընթացքում մայրաքաղաքում տեղի ունեցած փոփոխությունները լիովին դրական է գնահատել հարցվածների 9.4 տոկոսը: Փոփոխություններն ավելի շուտ դրական է որակել հարցվածների 55. 2 տոկոսը, ավելի շուտ բացասական՝ 19.8 տոկոսը:

Հարցին՝ որոնք են իրենց համայնքի կամ շենքի հարակից տարածքների հիմնական խնդիրները, երևանցիների 33.5 պատասխանել է ՝ մարքրությունը,17 տոկոսը՝ մուտքերի վատ վիճակը, 16.3 տոկոսն էլ պատասխանել է՝ քաղաքային տրամսպորտի խնդիրները:

«Երևանցիներից նաև հետաքրքրվել ենք՝ որոնք են իրենց կարծիքով վերջին տարիների դրական ծրագրերը, որ իրականացվել են Երևանի քաղաքապետարանի կողմից: Հարցվածների 27.9 տոկոսը պատասխանել է՝ քաղաքի տեսքի բարելավում, 20 տոկոսը՝ բակերի բարեկարգում, 17.6 տոկոսը՝ նստարանների տեղադրում: Ինչ վերաբերում է այն հարցին, թե քաղաքային իշխանությունների կողմից ինչպիսի միջոցառումներ կցանկանային իրականացված տեսնել, մարդկանց 32.2 տոկոսը նշել է՝ կանաչապատ տարածքների ավելացում, 20.3 տոկսը՝ մշակութային ծրագրերի իրականացում»,- նշեց բանախոսը:

«Էմ Փի Զի» ՍՊԸ-ի աշխատակիցները մայրաքաղաքի բնակիչներն խնդրել են 1-5 բալանոց սանդղակով գնահատել քաղաքային տրանսպորտի վիճակը, որտեղ 1-ը ամենացածր, 5-ը ամենաբարձր ցուցանիշներն են: Ըստ այդմ՝ հասարակական տրանսպորտի վիճակը գնահատվել է 2.8 բալով, քաղաքի մաքրությունը 3 բալով, իսկ ահա լուսավորությունը 4 բալով:

Հարցվածներին խնդրել են նույն բալային սանդղակով գնահատել նաև կանաչապատ տարածքների վիճակը: Ամենավատ վիճակն արձանագրվել է Շենգավիթ և Նուբարաշեն վարչակա շրջաններում, ամենալավ վիճակը՝ Ավանում և Դավիթաշենում: Ինչ վերաբերում է վարչական շրջանների ճարտարապետական տեսքին, ապա, ըստ 1-5 բալային համակարգով ամենալավ վիճակը՝4 բալ, արձանագրվել է Կենտրոնում:

Մայրաքաղաքի ընդհանուր արտաքին տեսքը շատ լավ է  գնահատել հարցվածների 11.5 , ավելի շուտ լավ՝ 69.3,  ավելի շուտ վատ՝ 14.3 և շատ վատ՝ 4.1 տոկոսը:

Վերջում Արամ Նավասարդյանը հույս հայտնեց, որ Երևանի քաղաքապետի թեկնածուները լրջորեն հաշվի կառնեն հարցման արդյունքները: Նա հիշեցրեց, որ ԱԺ ընտրությունների շեմի իրենց հարցումները կասկածի տակ էին դնում հատկապես «ՕՐՕ դաշինքը» և Հայկական վերածնունդ կուսակցությունը, սակայն ժամանակը ցույց տվեց, որ իրենց կանախատեսումներում առավել քան ճիշտ էին: