Ձեր վստահելի աղբյուրը

«Հայ-թուրքական արձանագրությունների տակից պետք է հանվի Հայաստանի ստորագրությունը»: Լրագրողների հետ ճեպազրուցում հայտարարեց «Երկիր ծիրանի» կուսակցության հիմնադիր Զարուհի Փոստանջյանը:

«Իրավունքի ուժով մենք պետք է ճանչենք պահանջատիրությունը:  Դրա վերաբերյալ ես ներկայացրել եմ երեք օրինագիծ»,-ասաց ԱԺ պատգամավորը:

Փոստանջյանի խոսքով, այսօր Հայաստանը չպետք է սգա, պետք է ներկայացնի իր պահանջները, ճանաչի  իր իրավունքները:

«Մենք վերածնվել ենք,  վերածնունդը շարունակելու ենք: Սգալ ու պետություններից պահանջել ճանաչում, արդյունավետ չէ: Մենք պետք է պահանջենք հատուցում մեր կրած վնասների, դրանք և նյութական են, և բարոյական, և տարածքային: Սա պետք է լինի մեր քաղաքականության ու արտաքին դիվանագիտության բաղկացուցիչ մասը: Չպետք է լռենք, այլ  պետք է պահանջենք մեր իրավունքների ճանաչում»,-ասաց նա:

Փոստանջյանը նշեց, որ ինքն էլ կողմանկից է առանց նախապայմանների Թուրքիայի հետ դիվանագիտական հարաբերությունների հաստատմանը. «Բայց Թուրքիան առաջ է քաշում ոչ միայն նախապայմաններ, այլև մեծ ախորժակ ունի»:

Նրա խոսքով, բռնակալ Էրդողանին էլ առաջիկայում սպասում է նույն ճակատագիրը, ինչպես եղավ շատ բռնապետների դեպքում: