Ձեր վստահելի աղբյուրը

Էրդողանի կառավարման ժամանակահատվածում, դժբախտաբար, թե տարածաշրջանային  խաղաղության, թե թուրք հասարակության համար Թուրքիան խորացրեց  անջրպետը՝ հաշտվելու իր ժողովրդի սեփական պատմության հետ: Ծեծեռնակաբերդի բարձունքում Ցեղասպանության անմեղ զոհերի հիշատակը հավերժացնող անմար կրակի շուրջ ծաղիկներ դնելուց հետո լրագրողների հետ զրույցում ասաց ՀՀ Ազգային ժողովի փոխնախագահ Էդուարդ Շարմազանովը:

Նրա խոսքերով՝  Թուրքիան գնաց ու խորացրեց ավելի շատ ժխտողականությունը և հեռացավ հաշտության լեզվով խոսելու փորձից:

Էդուարդ Շարմազանովը  նշեց, որ չի  փորձում ակնկալել, որ Էրդողանի վարչակարգը կարող է ճանաչել Հայոց Ցեղասպանությունը և կարող է ունենալ նման խիզախություն՝ առերեսվել սեփական պատմության հետ:

«Բայց, ի հակառակ դրա  և հանուն  մարդու իրավունքների պաշտպանության, մենք տեսնում ենք, որ աշխարհում ավելանում են և՛ երկրների, և՛ նահանգների, և՛ մտավորականների, և՛ քաղաքացիների, ու, առհասարակ, դատապարտողների քանակը և որակը: Ուշ թե շուտ այս Ցեղասպանությունը պետք  է վերջնականապես դատապարտվի, քանի որ այլ ճանապարհ չկա», - ասաց Էդուարդ Շարմազանովը։