Ձեր վստահելի աղբյուրը

Այսօր Եվրոպայի խորհրդի խորհրդարանական վեհաժողովում ընդունվեց  «Թուրքիայում ժողովրդավարական հաստատությունների գործունեության» վերաբերյալ զեկույցը, որով որոշվեց վերաբացել մոնիտորինգի ընթացակարգը Թուրքիայի նկատմամբ, ով մինչ այս գտնվում էր հետ-մոնիտորինգային ընթացակարգում։ Այս ակնհայտ հետընթացը պայմանավորված է Թուրքիայում մարդու իրավունքների, օրենքի գերկայության, ու ժողովրդավարության հետ կապված «լուրջ մտահոգություններով»։

ԵԽԽՎ-ում զեկույցի ընդունումից հետո թվիթերում գրառում է կատարել Եվոպական խորհրդարանի պատգամավոր Քեթի Պիրին։

«Այն բանից հետո, երբ ԵԽ-ն որոշեց Թուրքիային ներառեց մոնիտորինգի տակ, այժմ արդեն Եվրամիությանը Թուրքիայի անդամակցության բանակցությունների կասեցման գործընթացը մեծ քայլով մոտեցավ»,-գրել է Պիրին, ով ԵՄ-Թուրքիա համատեղ խորհրդարանական կոմիտեի անդամ է ու Թուրքիայի հարցով զեկուցող։ 

Pres. Erdogan's spokesman says @PACE_News decision to monitor #Turkey is a political operation by the country's enemies: https://t.co/nY32FDSYCF

— Emre Peker (@wsjemre) April 25, 2017

Նշենք, որ ԵԽԽՎ-ում ընդունված զեկույցը կոչ է անում անհապաղ քայլեր ձեռնարկել ու վերացնել արտակարգ դրությունը, ազատ արձակել ձերբակալված մտավորականներին, լրագրողներին։ Վեհաժողովը նաև մտահոգություն է հայտնում ապրիլի 16-ին տեղի ունեցած հանրաքվեի ու մահապատժի վերականգման առնչությամբ։