«Պատասխանող կողմը հարկադրված է հերքելու հնարածին, ցածրորակ դատողություններ». Կոնգրես-ՀԺԿ դիմումի քննություն

Իրավունք 20:24 26/04/2017 Հայաստան

Կոնգրես-ՀԺԿ դաշինքի դիմումում որևէ փաստարկ չկա, որն ոստիկանությանն ընտրությունների ժամանակ իր լիազորություններն ամբողջությամբ չի իրականացրել, անգործության մասին պնդումները իրականությանը, մեղմ ասած, չեն համապատասխանում: Սահմանադրական դատարանում ԱԺ ընտրությունները վիճարկելու վերաբերյալ Կոնգրես-ՀԺԿ դաշինքի դիմումի քննություն ժամանակ ասաց, հարակից պատասխանող ոստիկանության շտաբի պետ Հովհաննես Քոչարյանը:

Նա նշեց, որ ոստիկանությունը ձեռնարկվել է օպերատիվ-հետախուզական բոլոր այն միջոցառումները, որոնք թույլատրելի են եղել տվյալ իրավիճակում: Ոստիկանության ներկայացուցչի խոսքով, քվեարկության օրը ոստիկանությունում իրավավախախտումների մասին գրանցվել է 719 հաղորդում, որից 600-ից ավելին իրավապահ մարմինների ծառայողների միջոցով, մնացածը՝ քաղաքացիների, կուսակցությունների, դաշինքների վստահված անձանց, դիտորդների, ընտրական հանձնաժողովների, պետական այլ մարմինների միջոցով: Հ.Քոչարյանն ասաց, որ որևէ փաստարկ չբերվեց, որ ոստիկանության կողմից ստուգումներ չեն իրականացվել:

«Փոխարեն հնչում էին միայն մերկապարանոց հայտարարություններ:Փաստորեն, պատասխանող կողմը և մենք` հարակից պատասխանողներս, հարկադրված ենք հերքելու ոչ թե ծանրակշիռ ապացույցներ, այլ հնարածին, ցածրորակ, քաղաքական երանգավորումներ ունեցող դատողություններ:

Բարձր դատարան, ներողություն են խնդրում հնարավոր հուզականության համար, բայց առավել նախընտրելի է նման դատավարական մրցակցությանը մասնակցել դեժավյուի ծանր զգացողությունների ներքո, ինչպես ասաց պարոն Լևոն Զուրաբյանը, քան թե գիտակցել, թե ինչ ահավոր հետևանքներ կարող է ունենալ հանրության վրա դեմագոգիան և իրավական ինֆանտիլիզմը, հատկապես երբ դրանք դրսևորվում են այնպիսի բարձր ատյանում, ինչպիսին Սահմանադրական դատարանն է»,-ասաց Հ. Քոչարյանը:

Նշենք, որ դիմումի քննությունը կշարունակվի նաև վաղը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: