Ձեր վստահելի աղբյուրը

ԳԱԱ Էկոլոգանոոսֆերային հետազոտությունների կենտրոնի Սննդի շղթայի ռիսկերի գնահատման տեղեկատվական- վերլուծական կենտրոնի աշխատանքային խումբը՝  սննդամթերքի անվտանգության փորձագետ Դավիթ Պիպոյանի գլխավորությամբ  այսօր առավոտյան ՍԱՊԾ հայտարարության հետքերով Մալաթիայի գյուղատնտեսական ապրանքների տոնավաճառ է գնացել: Տոնավաճառում հայտնաբերել են և թուրքական լոլիկներ, և ադրբեջանական խնձորներ:

Սև արկերով վաճառվող խնձորներ վրայից հանվել են պիտակները, որոնք վկայում էին դրանց ադրբեջանական ծագման մասին:

«Բոլորին ուզում եմ ասել, ոչնչացման մասին տեղեկություններին չենք հավատում, և ձեզ էլ կոչ ենք անում չհավատալ: Զերծ մնացեք կասկածելի մթերք ձեռք բերելուց»,-ասաց սննդամթերքի անվտանգության փորձագետը:

Նա կոչ արեց բոլոր պատկան մարմիններին հավաքել առանց պիտակների կանաչ խնձորները, ենթարկել լաբորատոր փորձաքննության՝ պարզելու արդյոք դրանք ադրբեջանական են, թե ոչ:

«Եթե դա հրատապ կերպով չիրականացվեց, ապա պետական մակարդակով տեղի է ունենում հանցագործություն»,-ասաց նա:

Տեսանյութերը՝ Դավիթ Պիպոյանի ֆեյսբուքյան էջում։