«Ի՞նչ եք կարծում՝ քաղաքական ուժերը, քաղաքացիները պետք է զուգահեռ ստեղծեն դատախազություն, ոստիկանություն». Կոնգրես-ՀԺԿ դաշինքի դիմումի քննություն

Իրավունք 16:16 27/04/2017 Հայաստան

«Քրեական գործ է հարուցվել: Ամենամեծ ցանակություն պարագայում անգամ որևէ տվյալ չեմ կարող հրապարկել, ընթանում է նախաքննություն, իրավունք չունեմ որևէ տվյալ հրապարակել»,- Սահմանադրական դատարանում ապրիլի 2-ի ԱԺ ընտրությունների արդյունքները վիճարկելու վերաբերյալ Կոնգրես-ՀԺԿ դաշինքի դիմումի քննությանն ասաց հարակից պատասխանող ՀՀ գլխավոր դատախազության հատկապես կարևոր գործերով քննության վարչության պետի տեղակալ Կարեն Բիշարյանը՝ պատասխանելով դիմող կողմի՝ ՀԱԿ փոխնախագահ Լևոն Զուրաբյանի հարցին, թե «ՍԱՍ»-ի ձայնագրության գործով ի՞նչ եք պարզել:

Լ. Զուրաբյանն ասաց, որ տարբեր գնահատականներով այդ ժողովին մասնակցել է 200-400 մարդ, որտեղ կոպտորեն խախտվել են մարդկանց իրավունքները, ինչպե՞ս իրավապահ մարմինները բացարձակապես ոչ մի բան չեն իմացել համարյա բաց կատարվող իրադարձություն մասին:

«Քրեական հետապնդման մարմինների դաշտում նյութ չի եղել, որ նման ժողով է լինելու, որպեսզի ձեռնարկվեն օպերատիվ-հետախուզական միջոցներ»,- ասաց Կ. Բիշարյանը:

ՀԱԿ փոխնախագահն ասաց. «Ցավոք սրտի, մենք արդեն նյութական ապացույցներ ենք ստանում քաղաքացիների կողմից կատարած ձայնագրությունների, գաղտնալսումների միջոցով: Ի՞նչ եք կարծում՝ մեր քաղաքական ուժերը, քաղհասարակությունը, քաղաքացիները պետք է զուգահեռ ստեղծեն դատախազություն, ոստիկանություն, քննիչներ, որպեսզի իրենք կարողանան այս ամեն ինչը բացահայտել, թե ժամանակն է, որ ոստիկանությունը, դատախազությունն անցնեն իրենց պարտականությունների կատարմանը և այս ամենն իրենք բացահայտեն»:

Կ. Բիշարյանն ասաց, որ դատախազությունը, ոստիկանությունը միշտ էլ իրենց ստանձնած պարտականությունները պատշաճ կատարում են:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: