Ձեր վստահելի աղբյուրը

Այսօր մրցույթ է հայտարարվել Մասրիկում 50 ՄՎտ հզորությամբ արևային կայանի կառուցման համար, այս մասին այսօր լրագրողների հետ հանդիպմանը հայտնեց  ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը:

Նրա խոսքով՝ մրցույթը միջազգային է, որի նախաորակավորման փաթեթը տեղադրված կլինի նախարարության կայք էջում երկու լեզվով` հայերենով անգլերենով:

«Մրցույթի նպատակն է ընտրել ներդրողների: Դրանց ընտրության համար սահմանված են չափանիշներ, մասնավորապես, համապատասխան փորձ ունենալ, այդ ընկերությունը պետք է առանվազն 100 ՄՎտ հզորթյամբ կայաններ կառուցած լինի, որից մեկը եղած լինի 50 ՄՎտ, անհրաժեշտ է, որ տվյալ ընկերությունը համապատասխանի սահմանված ֆիանանսական ցուցանիշներին և այլն: Այս ամենի նպատակը մեկն է, որպեսզի կարողանանք պրոֆեսիոնալ, լուրջ կազմակերպություն ներգրավել»,-մանրամասներ ներկայացրեց փոխնախարարը:

Հայկ Հարությունյանը հավելեց, որ մրցույթի ֆինանսական պայմանագրի ավարտը նախատեսված է 2018 թվականի երկրորդ եռամսյակ. «Էներգետիկ համակարգում առաջին անգամ են նման ձևաչափով սակագին սահմանելու: Բավական երկար նախապատասրատական փուլ ենք ենք անցել, հույս ունենք որ վերջին փուլում կունենանք մրցունակ, ցածր սակագին արևային կայանների համար: Այն պետք է ջերմային կայանների համեմատ ավելի ցածր սակագին ունենա»։