Թաղամասեր վերակառուցելու հնարավորությունը պետք է տալ մասնավոր ընկերություններին. Տ. Մարգարյան

Հասարակություն 20:04 28/04/2017 Հայաստան

Թաղամասեր վերակառուցելու հնարավորությունը պետք է տալ մասնավոր ընկերություններին. Տ. Մարգարյան

Բոլորի համար տեսանելի է, որ Երևանի կենտրոն համայնքում շատ անելիք կա, հատկապես բոլորին հուզում է Կենտրոնի բեռնաթափման հարցը,- Կենտրոն համայնքում քարոզարշավի ժամանակ նշեց ՀՀԿ քաղաքապետի թեկնածու, ներկայիս քաղաքապետ Տարոն Մարգարյանը:

«Մեր նախընտրական ծրագրում նախատեսել ենք ստորգետնյա ավտոկայանատեղիներ և շրջանցիկ ճանապարհներ կառուցել՝ Իսակով-Լենինգրադյանից դեպի Շենգավիթ, դեպի Մալաթիա, Աջափնյակ վարչական շրջան, որով կկարողանանք բեռնաթափել կենտրոնը»,-նշեց նա։

Տ. Մարգարյանի խոսքով՝ խստացնելու են նաև Փոքր Կենտրոնում կառուցապատման աշխատանքները. «Կենտրոնում կառուցապատման աշխատանքները կլինեն շատ խորն ուսումնասիրելուց հետո, միայն հետո թույլտվություն կլինի: Կլինեն հանրային քննարկումներ՝ քաղաքացիների հետ միասին: Սա մեր զարգացման ծրագրերի մի փոքր հատվածն է միայն»։

Ելույթից հետո լրագրողների հետ զրույցում թաղամասերի վերակառուցելու խնդրին անդրադառնալով, նա նշեց. «Քաղաքապետարանը չպետք է թաղամասը վերակառուցի և քաղաքապետարանին գումար անհրաժեշտ չի, մենք է պետք է հնարավորություն ստեղծենք, մասնավոր ներդնողների միջոցով դա իրականացնեl: Սա խորհրդային տարիները չեն, որ պետությունը թաղամասեր վերակառուցի: Մասնավոր ընկերություններին պետք է բոլոր հնարավորությունները տալ: Մենք ունենք թաղամասեր կառուցած՝ հենց մասնավոր ներդնբողների միջոցով: Դա քաղաքապետարանի միջոցներով չի իրականացվում»,-ասաց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: