Ձեր վստահելի աղբյուրը

Հայաստանում և Լիբանանում բոլորս գիտակցում ենք, որ պետք է կանխել այս խավարը: Ծիծեռնակաբերդում լրագրողների հետ զրույցում ասել է Լիբանանի Հանրապետության պլանավորման պետական նախարար Միշել Ֆարաոնը:

Նրա գլխավորած պատվիրակությունը, Հայաստան կատարած այցի ավարտին այսօր առավոտյան  տնտեսական զարգացման և ներդրումների նախարար Սուրեն Կարայանի ուղեկցությամբ, այցելել է Հայոց ցեղասպանության թանգարան-ինստիտուտ և Ծիծեռնակաբերդի հուշահամալիրում հարգանքի տուրք մատուցել Մեծ Եղեռնի զոհերի հիշատակին:

Նախարարության տեղեկատվության ու հասարակայնության հետ կապերի բաժնի փոխանցմամբ, Ցեղասպանության թանգարանի հուշամատյանում իր գրառման մեջ Միշել Ֆարաոնը նշել է.

«Անհավանական է այն, ինչ տեսանք այստեղ, սակայն, ցավոք, իրականություն է»:

Այնուհետև Լիբանանի Հանրապետության պլանավորման պետական նախարարը ծաղկեպսակ է դրել Ծիծեռնակաբերդի հուշահամալիրում:

«Այս ողջ ցավի մեջ ես տեսա հույսը` ապրելու հույսը: Հեռվից բոլորովին այլ է, իսկ այստեղ` այս հուզիչ պատկերները տեսնելով, յուրաքանչյուր մարդ աշխարհում պարզապես պետք է ընդունի և ճանաչի Հայոց ցեղասպանության փաստը: Ամենակարևոր հանգամանքը հենց այդ ճանաչումն է: Ես գալիս եմ մի երկրից, որի ժողովորդը նույն ժամանակահատվածում մեծ տառապանքներ է տեսել: Հայաստանում և Լիբանանում բոլորս գիտակցում ենք, որ պետք է կանխել այս խավարը: Մենք այսօր էլ պետք է ճիգեր գորադրենք, որպեսզի բոլորիս ջանքերով, միջազգային բորոր բարձր ատյանների միջոցով աշխարհում կանխվի արյունահեղությունը, -լրագրողների հետ զրույցում ասել է Միշել Ֆարաոնը: