Ձեր վստահելի աղբյուրը

Մեր թիմը փորձառու է, պրոֆեսիոնալ, աշխատասեր, բանիմաց, հստակ գիտենք մեր անելիքը: Ավան վարչական շրջանում բնակիչների հետ հանդիպմանը հայտարարեց քաղաքապետ Տարոն Մարգարյանը:

Նա նշեց, որ հասնելու են այն բանին, որ բոլոր որոշումների կայացմանը մասնակցեն քաղաքի բնակիչները:

«Այս ամենը մենք ներառել ենք նախընտրական ծրագրում՝ «Հանուն Երևանի» ծրագրում: Ապագայի Երևան, խելացի Երևան, սրանք ընդգրկված են մեր ծրագրում, որոնց հաջորդ տարիներին հասնելու ենք: Մեր երևանցիների մասնակցությունն այդ որոշումներում անպայման լինելու է:

«Ապագայի Երևան» բաժնում մենք նախատեսում ենք նաև էներգախնոյողության ծրագրեր իրականացնել»,-ասաց Մարգարյանը:

Նրա խոսքով,  ՀՀԿ տեսլականն է ունենալ  այնպիսի քաղաք, ինչպիսիք են եվրոպական երկրների զարգացած մայրաքաղաքները:

«Մենք չենք զիջելու ոչ մի զարգացած մայարաքաղաքի, միասին ենք կառուցելու մեր տունը: Օր ու գիշեր ծառայել ենք երևանցիներին, այսօր եկել ենք խնդրել, որ դուք թույլ տաք շարունակելու ծառայել երևանցիներին»,-ասաց Երևանի ավագանու ընտրություններում ՀՀԿ ընտրական ցուցակը գլխավորող Տարոն Մարգարյանը: