Տարոն Մարգարյան. Քաղաքային տնտեսություն կառավարելը հեշտ գործ չէ

Քաղաքական 20:00 05/05/2017 Հայաստան

Տարոն Մարգարյան. Քաղաքային տնտեսություն կառավարելը հեշտ գործ չէ

Քաղաքային տնտեսություն կառավարելը հեշտ գործ չէ: Քարոզարշավի ընթացքում հանդիպելով Վարդաշենի բնակիչների հետ, ասաց Երևանի ավագանու ընտրություններում ՀՀԿ ընտրանական ցուցակը գլխավորող Տարոն Մարգարյանը՝ արձագանքելով ընդդիմախոսների քննադատություններին:

«Ծրագիրը հնարավոր չէ շուտ կյանքի կոչել»,-ասաց Մարգարյանը՝ ավելացնելով, որ Երևանի զարգացման քառամյան ծրագիրը կյանքի կոչած թիմը պրոֆեսիոնալ է, գիտի բնակիչների դարդն ու ցավը:

«Մենք հաշվետու ենք մեր բնակչությանը: Եկել ենք ծառայելու և ծառայում ենք երևանցուն»,-ասաց գործող քաղաքապետը:

Նա ընդունում է, որ քաղաքում խնդիրները շատ են: Առավել շատ բողոքում են բազամբնակարան շենքերի կառավարումից:

«Այսօր Երևան քաղաքում շուրջ 5 հազար բազմաբնակարան շենք կա, մենք կառավարման վերաբերյալ բազմաթիվ դժգոհություններ ենք ստացել քաղաքացիներից՝ տանիքներ, վերելակներ, նկուղներ, շքամուտքեր, բնակֆոնդի պահպանում: Բայց մենք ձեռքներս ծալած չենք նստել, կառավարման մոդելի փոփոխության վերաբերյալ օրենսդրական նախագիծ ենք մշակել: Պետք է կառավարիչը հաշվետու լինի քաղաքացիներին, նա պատասխանատվություն է կրելու բազմաբնակարան շենքի կառավարման համար»,-ասաց Մարգարյանը:

Նա համոզմունք հայտնեց, որ առաջիկա հինգ տարում փորձելու են կյանքի կոչել համայնք-պետություն-կառավարիչ-բնակիչ մոդելի ստեղծումը:

«Մենք վերելակների խնդիը լուծելու համար միջազգային փորձն ենք ուսումնասիրել: Տրանսպորտի ոլորտում էլ գիտեին, որ ճգնաժամ է լինելու, մենք ուսումնասիրել ենք մեծ քաղաքների փորձը, հստակ գիտենք մեր քայլերի հերթականությունը»,-ասաց նա:

ՀՀԿ-ական գործիչը հիշեցրեց, որ ավագանու ընտրությունները մայիսի 14-ին, բացի իր կուսակցությունից ևս երկու քաղաքական ուժ է մասնակցում, հավատացրեց, որ հենց իրենք գիտեն երևանցու դարդը, հոգսը:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: