Ձեր վստահելի աղբյուրը

«Մասնակցելով Երևանի ավագանու ընտրություններին՝ «Երկիր ծիրանի» կուսակցությունը ներկայացնում է  մի ծրագիր, որի նմանը վերջին 25 տարիների ընթացքում որևէ՝ կուսակցություն չի ներկայացրել։ Ծրագիրը ներառում է դրույթներ, որոնք վերաբերում են ամբողջ հայ ժողովրդին»,-լրագրողների հետ այսօր կայացած հանդիպման ժամանակ այս մասին ասաց «Երկիր ծիրանի» կուսակցության  առաջնորդ, Երևանի քաղաքապետի թեկնածու Զարուհի Փոստանջյանը։

«Մենք փորձելուենք փոխել իրավիճակը և կարգուկանոն հաստատելու Երևանում։ Մայրաքաղաքի իշխանությունը վեցնելուց հետո այն հետ ենք վերադսարձնում ժողովրդին։

«Մենք խոսելու ենք միայն իրավունքի գերակայության լեզվով։ Կադրային ջարդ չենք իրականացնելու, փորձառու աշխատակիցներն պահանջարկված ենք համարելու։ Մեր ծրագիրը ներառում է բոլոր խնդիրները, որ ունի Երևանը»,- ասաց նա։

Անդրադառնալով երկրում առկա կոռուպցիային՝ քաղաքապետի թեկնածուն շեշտեց՝ կոռումպացված չինովնիկները նստած են վերևում, հետևապես, եթե վերևում չեն գողանում, չեն գողանում նաև ներքևում։

«Կոռուպցիայից եկամուտներ ստացողները բարձրաստիճան պաշտոնյաներն են, այլ ոչ՝ ստորին օղակի աշխատողները։ Եթե կոռուպցիան վերևից չգար, հանրային տրանսպորտն այսպիսի խայտառակ վիճակում չէր գտնվի։ Եթե ոստիկանությունն աչք է փակում գերբեռնված տրանսպորտային միջոցների վրա, ապա դա խոսում է այն մասին, որ կոռուպցիան վերևում է։ Հանրային տրանսպորտի հարցը չի լուծվում, քանի որ խոսքը մենաշնորհի մասին է։ Մենաշնորհները պետք է բացառվն և վերանան։ Մենաշնորհը տրանսպորտի ոլորտում վերականգնելու համար պետք է ներդնել միասնական տոմսի համակարգը»,- շեշտեց Զարուհի Փոստանջյանը։

Քաղաքապետի թեկնածուն նշեց՝ աս պահի դրությամբ Հայաստանում ստվերային տնտեսությունը հասնում է մոտ 60 տոկոսի, Հայաստանից ապօրինաբար դուրս է բերվել 30 միլիարդ դոլար, պետական պարտքը կազմում է շուրջ 8 միլիարդ դոլար։

«Այս իրավիճակի հեղինակներն այն բարձրաստիճան պաշտոնյաներն են, որոնց թիվը Հայաստանում 350  է»,- ասաց նա։

Զարուհի Փոստանջյանն ընդգծեց՝ քաղաքի արդյունավետ կառավարման համար միջոցներ միշտ կարող են գտնվել, աջակիցներ ևս, եթե երկրում տիրի իրավունքի գերակություն և գործի օրենքը։ Մինչդեռ Հայաստանում, նրա խոսքով, քաղաքական կառուցվածքը մենաշնորհված է ՀՀԿ-ի կողմից։ Այդ է պատճառը, որ պետք է վերացնել քաղաքական մենաշնորհը։

«Գումարներ կարելի է ունենալ՝ դրանք չգողանալով։ Այսօր Երևանի բյուջեն կազմում է  շուրջ 250 միլիոն դոլար։ Սակայն ակնհայտ է, որ բոլոր գնումները մեզնում կատարվում են կոպիտ խախտումներով, հանրային գումարները գողացվում են։ Օֆշորային գոտիներում գրանցված ընկերությունները չպետք է մասնակցեն հանրային գնումների գործընթացին»,- պնդեց բանախոսը։

Քաղաքապետի թեկնածուն շեշտեց՝ խնդիրներ կան նաև գույքահարկի հավաքագրման ոլորտում։ Այստեղ ևս համակարգային փոփոխություններ են անհրաժեշտ։ Նրա խոսքով, պետք է փոխվի բոլոր տեսակի հարկերի հավաքագրման տրամաբանությունը։

Ինչ վերաբերում է «Ելք» դաշինքի քաղաքապետի թեկնածու Նիկոլ Փաշինյանի՝ «15 հազար դրամների» սոցիալական աջակցության դրույթին, ապա Փոստանջյանի համոզմամբ՝ հայտարարությունը պարունակում է քրեորեն հետապնդելի արարք։

«Իրավապահները պետք է հետամուտ լինեն այդ հայտարարությանը, ոչ թե ես։ Ես դատապարտում եմ նման հայտարարությունները, դա կրկնում է արատավոր իշխանության գործունեությունը, որ այս պահին կա։ Նիկոլ Փաշինյանը խորհրդարանում շատ դեպքերում քվեարկել է, ինչպես ՀՀԿ-ն, դեմ է քվեարկել իմ բազմաթիվ նախագծերին, ընդունել է ապրիլի 2-ի խայտառակ ընտրությունների արդյունքերը։ Իսկ խորհրդարանը, իհարկե, լեգիտիմ չէ», - նկատեց բանախոսը։

Վերջում Երևանի քաղաքապետի թեկնածուն անդրադարձավ նաև աղբահանության խնդրին՝ շեշտելով, որ այն համալիր լուծում է պահանջում։

«Աղբահանության խնդիր լուծված չէ, աղբը չի վերամշակվում։ Աղետալի է հատկապես կանաչապատ տարածքների վիճակը։ Կանաչապատ շատ լանջեր վաճառվում են, իսկ որոշ պաշտոնյաներ, ինչպես օրինակ Սյունքիի նախկին մարզպետ Սուրիկ Խաչատրյանը,  դրանց վրա առանձնատներ են  կառուցում»,- ամփոփեց Զարուհի Փոստանջյանը։