Նպատակ ունենք մինչև տարվա վերջ կրկնապատկել զբոսաշրջիկների քանակը. Զարմինե Զեյթունցյան
«Կարծում եմ, որ հինգ տարվա ընթացքում գոնե այն հիմնական զբոսաշրջային ուղղություններով ճանապարհային, զբոսաշրջային ենթակառուցվածքներն արդեն կլինեն պատշաճ և բարվոք վիճակում»,-կառավարության նիստից հետո լրագրողների հետ զրույցում ասաց Զբոսաշրջության պետական կոմիտեի նախագահ Զարմինե Զեյթունցյանը: Նա նշեց, որ Համաշխարհային բանկի հետ կնքված է վարկային ծրագիր:
Պատասխանելով հարցին, թե վերջրես լրատվամիջոցներով, սոցիալական ցանցերով տեղեկատվություն տարածվեց, որ Գառնիի «Քարերի սիմֆոնիա»-ի մոտ շինարարություն է սկսվել, արդյո՞ք նման հուշարձանների մոտ պետք է լինեն հանգստի գոտիներ, սրճարաններ, Զ. Զեյթյունցյանն ասաց, որ ՀԲ ծրագրի մեջ մտնում է «Քարերի սիմֆոնիան» և Գառնիից դեպի այնտեղ տանող ճանապարհը, նախագծված է ամբողջ գոտին:
«Ես մեկ-երկու շաբաթ առաջ այնտեղ էի, տեսա, որ շինարարություն է գնում և համայնքի ղեկավարին ասացի՝ շինարարություն իրականացնողին տեղեկացնի, որ ծանոթանա Համաշխարհային բանկի ծրագրին: Այնտեղ գոտևորում, որպես այդպիսին, չկա, բայց պետք է իմանա, որ Համաշխարհային բանկի ծրագիրը հենց սկսվեց, իր օբյեկտը լուրջ վտանգի տակ է լինելու, որովհետև զբոսաշրջային վայր է և պետք է լինի զբոսաշրջային վայրին համահունչ»,-ասաց նա:
Հարցին, թե զբոսաշրջային վայրերում պե՞տք է լինեն հանգստի գոտի, սրճարան, ռեստորան, նա ասաց. «Շատ կարևոր է: Հիմնական նպատակն այն է, որ մենք զբոսաշրջիկին հնարավորինս չափ երկար պահենք Հայաստանում և հնարավորինս նրա ծախսած գումարի չափը ավելացնենք: Եթե այսօր զբոսաշրջիկը միջինում ծախսում է 700-800 դոլար, մենք ունենանք հստակ ծրագիր՝ բարձրացնելու մինչև 1000 դոլար: Այսինքն պետք է լինեն ենթակառուցվածքներ, որտեղ մարդն անցկացնի հնարավորինս երկար ժամանակ ու հնարավորինս շատ գումար ծախսի»,- ասաց Զբոսաշրջության պետական կոմիտեի նախագահը:
Զարմինե Զեյթունցյանը նշեց, որ այս տարվա 3 ամիսների ընթացքում անցած տարվա համեմատ զբոսաշրջիկների 18,2 տոկոս աննախադեպ աճ է գրանցվել:
«Մենք շատ ամբիցիոզ նպատակ ունենք՝ մինչև տարվա վերջ կրկնապատկել զբոսաշրջիկների քանակը և այդ առումով հսկայական աշխատանք ենք տանում, հատկապես մեզ ամենամոտ կանգնած ռուսական շուկայում»,- ասաց նա:
Նրա տեղեկացմամբ, այս տարի Հայաստանում ամենաշատը զբոսաշրջիկներ եկել են Իրանից (միայն մարտին 23 տոկոս զբոսաշրջիկների աճ է եղել), Ռուսաստանից, Ֆրանսիայից, Չինաստանից,
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
