Ձեր վստահելի աղբյուրը

Եգիպտացի հնագետները հայտնաբերվել են 17 լավ պահպանված մումիա Կահիրեից 250 կմ հեռավորության վրա գտնվող Էլ-Մինյա շրջանի կատակոմբներում:  Բի-Բի-Սի-ն գրում է, որ հնագույն թաղումը գտնվել է ութ մետր խորության վրա: Գերեզմանոցում գտնվել են կրաքարից և կավից պատրաստված սարկոֆագ, կենդանիների մնացորդներով դագաղներ և պապիրուսներ՝ հին եգիպտական գրով:

Մումիաների հստակ տարիքը դեռևս հստակեցված չէ: Ենթադրվում է, որ թվագրվում է Եգիպտոսի հունա-հռոմեական շրջանով: Այդ ժամանակաշրջանը ձգվել է շուրջ 600 տարի՝ երկիրը մ.թ.ա. 332 թվականին Ալեքսանդր Մակեդոնացու կողմից գրավելուց հետո:

Եգիպտոսի իշխանությունները հույս ունեն, որ նոր բացահայտումը կնպաստի երկրի զբոսաշրջային իմիջի բարձրացմանը և զբոսաշրջիկների շրջանում հետաքրքրություն կառաջացնի, ովքեր խուսափում են այցելել Եգիպտոս 2011 թվականի ապստամբությունից հետո:

«2017 թվականը պատմական է հնագիտական  բացահայտումների առումով: Կարծես ուղերձ է մեր նախնիներից, ովքեր մեզ ձեռք են մեկնում, որպեսզի զբոսաշրջիկները վերադառնան»,- ասել է Եգիպտոսի հնությունների հարցերով նախարարը:

Կահիրեի համալսարանի հնագետները, ովքեր զբաղվում են պեղումներով, կարծում են, որ հայտնաբերված գերեզմանոցում կարող է գտնվել ոչ թե 17, այլ նվազագույնը 32 մումիա, որտեղ զմռսվել են նաև կանանց, երեխաների, նորածինների մնացորդներ: