Ձեր վստահելի աղբյուրը

Ոմանք հին առարկաները համարում են ոչ այլ ինչ, քան ուղղակի սպասք և կահույք: Մյուսների համար նման առարկաներն անգնահատելի են: Սակայն աճուրդում ամեն ինչ իր գինն ունի: kulturologia.ru-ն ներկայացել է աճուրդում վաճառված ամենաթանկարժեք անտիկվար իրերը:

Նապոլեոն Բոնապարտի սառը զենքը (6 500 000 դոլար)

Նապոլեոն Բոնապարտն  ճակատամարտ գնալուց իր հետ վերցնում էր ատրճանակն ու այս սառը զենքը, որը պատրաստված է եղել հատուկ նրա համար և մեկ օրինակով:  Այն սերնդեսերունդ փոխանցվել է Բոնապարտի ընտանիքի անդամներին, 1978 թ. ճանաչվել է Ֆրանսիայի ազգային արժեք: 2007 թվականին Նապոլեոնի սառը զենքը վաճառվել է աճուրդում 6,5 միլիոն դոլարով: 

Լյուդովիկ XV արծաթե ապուրամենը (10 287 500 դոլար)

Այն պատրաստված է 1733 թվականին Լյուդովիկ 15-րդի համար: Վաճառվել է 1996 թվականին 10 287 500 դոլարով՝ նախնական գնից երեք անգամ ավելի: 

Գլխազարդ՝ ադամանդով և զմրուխտով (12 100 000 դոլար)

Զարդարված է 11 եզակի զմրուխտով և դեղնականաչավուն ադմանադներով: Այն եղել է գերմանացի արքայադուստր  Կատարին Հենկել ֆոն Դոններսմարկինը: Վաճառվել է Sotheby’s աճուրդում 2011 թ. 12,1 միլիոն դոլարով: 

Մին դինաստիայի ոսկե եռոտանին (14 800 000 դոլար)

Այն նմանատիպ 8 անտիկվար իրերից մեկն է, որը հասել է մեր օրեր: Եռոտանին օգտագործվել է Սյուանդե կայսեր կողմից 1399-1435 թվականներին: 

Մարտական եղջերափող (Օլիֆանտ) (16 100 000 դոլար)

Արված է փղոսկրից: Վրան պատկերված է որսորդական տեսարան: 

Լեոնարդո դա Վինչիի «Լեստերյան կոդեքսը» (30 800 000 դոլար )

Թոմաս Կոկսը՝ գրաֆ Լեստերը, գնել է այդ հնագույն գիտական փաստաթուղթը 1719 թվականին: Ձեռագիրը կազմված է 18 թղթից: Այնտեղ ներկայացված են Լեոնարդո դա Վինչիի գրառումները բնության, ջրի հատկությունների, Լուսնի մակերեսի մասին: Գիրքը կարելի է կարդալ միայն հայելու օգնությամբ:  

«Բադմինտոն» գրասենյակային կահույք (36 000 000 դոլար)

Երկու անգամ սահմանել է ռեկորդ՝ աճուրդներում  վաճառվելով ամենաթանկը: 1990 թվականին արժեքը կազմել է 16,6 միլիոն դոլար, 2004-ին՝ 36 միլիոն դոլար: Այն պատրաստվել է 1726 թվականին Ֆլորենցիայից մի կոմսի պատվերով: Սև փայտից և ոսկեզօծ բրոնզից  3,6 մետրանոց  պահարանը վարպետը պատրաստել է 6 տարում: 

Չինական ծաղկաման՝ Ցին դինաստիայից (83 000 000 դոլար)

Չինական այս ծաղկամանը համարվում է աճուրդներում վաճառված ամենաթանկ առարկան: 40 սմ ճենապակե ծաղկամանը  պատահական հայտնաբերվել է Լոնդոնի տներից մեկում: Սկզբում այն գնահատվել է 1000 ֆունտ ստերլինգ, բայց երբ փորձագետները հաստատել են, թե իրականում ինչ է, արժեքը հասել է մինչև 1 միլիոնի: Չինական ծաղկամանը թվագրվում է 18-րդ դարի կեսերով: Նմանատիպ իրերից տարբերվում է իր բարդ նախշերով: 2010-ին այն գնել են 83 միլիոն դոլարով: