Ձեր վստահելի աղբյուրը

Մայիսի 14-ին Երևանում տեղի ունեցավ ավագանու ընտրություններ: Ժամը 20:00 -ի դրությամբ փակվել են բոլոր ընտրատեղամասերը:

Կենտրոն վարչական շրջանի «Արեգնազան» կրթահամալիրում  տեղակայված 9/23 և  9/22  ընտրական տեղամասերը նույնպես փակվել են, սակայն այստեղ անջատել են էլեկտրամատակարարումը և  ձայների հաշվարկը դեռ չեն սկսել:

Լրացված (20:37)

Panorama.am-ի թղթակիցը հայտնում է, որ քիչ առաջ 9/23 ընտրատեղամասում մոմի լույսի տակ սկսվեց ձայների հաշվարկը:

Ինչ վերաբերում է 9/22 ընտրատեղամասին, ապա այնտեղ ձայների հաշվարկը դեռ չի սկսվել: Սպասում են, որ էլեկտրամատակարարումը վերականգնվի:


21:05-ին ընտրատեղամասերում էլեկտրականությունը վերականգնվեց, ինչին ներկաներն արձագանքեցին  ուրախ բացականչությամբ։

21։19
9/23 ընտրատեղամասում ավարտվեց քվեաթերթիկների հաշվարկը: Նախնական տվյալներով 258 քվե ստացել է ՀՀԿ-ն, 155՝ «Ելք» դաշինքը, 69-ը՝ «Երկիր ծիրանի»-ն, 18 քվեաթերթիկ ճանավել է անվավեր: