Ձեր վստահելի աղբյուրը

Ոստիկանները անհամաչափ ուժ են գործադրել Երկիր Ծիրանի կուսակցության քաղաքապետի թեկնածու Զարուհի Փոստանջյանի նկատմամբ։ Նման հայտարարություն է տարածել «Ելք» դաշինքի լրատվական ծառայությունը:

Տարածած հաղորդագրության մեջ նշվում են մի քանի դեպքեր, երբ դաշինքի անդամների կարծիքով, ընտրախախտումներ են գրանցվել:  Մասնավորապես նշվում է, որ իրականացվել են բռնություններ լրագրողների նկատմամբ:

«Երևանի Էրեբունի վարչական շրջանի թիվ 64 դպրոցում տեղակայված 10/29 ընտրատեղամասում հարձակվել են armtimes.com-ի լրագրող Տաթև Խաչատրյանի վրա, փորձել են խլել հեռախոսը։ Խլել են «Հրապարակի» լրագրողի տեսախցիկն ու արգելել նկարել։ 6/16 բռնություն է կիրառվել Հայկական ժամանակ օրաթերթի լրագրողի նկատմամբ»:

«Ելք»-ից նշում են նաև. «Արձանագրել ենք ոստիկանության համատարած անգործության փաստը ընտրատեղամասերում ընտրախախտումների և միջադեպերի նկատմամբ։ 6/14, 6/15 տեղամաասերում  քվեատուփերը կապարակնքված չեն։ Գունավոր գրիչներով քվեարկության բազմաթիվ դեպքեր (հիմնականում կարմիր և կանաչ)»:
