Ձեր վստահելի աղբյուրը

«Ազգային ժողովի նախագահի հարցը կքննարկենք, հավանական թեկնածու կա, պարզապես   առաջ չընկնենք: Կլինի փորձառու, հարգարժան մեր ընկերը»,-ՀՀԿ Գործադիր մարմնի նիստից առաջ ասաց ՀՀԿ խոսնակ Էդուարդ Շարմազանովը:

Հարցին՝ Արա Բաբլոյա՞նը, նա պատասխանեց. «Շատ արժանի թեկնածու է: Ինչու ոչ»: 

Նշենք, որ Հայաստանի Հանրապետական կուսակցությունն այսօր երկու նիստ կգումարի՝ ՀՀԿ գործադիր մարմնի, այնուհետ՝ ՀՀԿ խորհրդի, որտեղ կքննարկվի ԱԺ նախագահի և փոխնախագահների նշանակման հարցը:

Պատասխանելով հարցին, թե ԱԺ փոխանախագահի պաշտոնում կտեսնե՞ն Արփինե Հովհաննիսյանին, ձեզ, Է. Շարմազանովն ասաց. «Միգուցե»:

Ինչ վերաբերում է  խմբակցության ղեկավարի հարցին, ՀՀԿ խոսնակն ասաց. «Կարծում եմ՝ պարոն Վահրամ Բաղդասարյանը շատ լավ է աշխատել»:

Հարցին, թե Արմեն Աշոտյանին ինչ-որ պաշտոն կտրվի՞, Է. Շարմազանովն ասաց.  «Արմեն Աշոտյանի  փորձն ու գիտելիքը ևս կօգտագործվի խորհրդարանում պատասխանատու պաշտոններում»:

Նա նշեց, որ կառավարության կազմն այսօր դժվար քննարկեն: