Ձեր վստահելի աղբյուրը

«Բոլորի համար էլ լավ է լինելու, արդարացի է լինելու: Խմբակցության խորհրդով կքննարկենք, արդարացի որոշում կկայացվի»,- Ազգային ժողովում լրագրողների հետ զրույցում ասաց «Ծառուկյան» դաշինքից պատգամավոր Գագիկ Ծառուկյանը՝ պատասխանելով դաշինքի մի քանի պատգամավորների մանդատների հետ կապված հարցին:

Նա նշեց, որ բոլորի հետ էլ աշխատելու է, իրենց թիմակիցներն են, մեծ գործ են կատարել:

«Մանդատները վայր են դնում են, թե ոչ, կտեսնեք:  Որոշակիություն կլինի մոտ օրերս: Ո՞վ է բզբում: Քամիներ եղել են ձեր կողմից, ուրիշ կողմից, մեր թիմակիցների կողմից»,- լրագրողներին ասաց Գ. Ծառուկյանը:

Հարցին, թե  վերջին յոթ ամսում նկատե՞լ եք որոշակի փոփոխություններ երկրում, նա ասաց. «Որպես գործարար, կուսակցության ղեկավար ներկայացրել եմ իմ ծրագիրը՝ տեսնելով իրավիճակը:  Ես ասել եմ 15 կետ, որ անհրաժեշտ է արվի, վերաբերում է բոլորին, առանց դրանք ուղղելու լավ բան չի լինելու, պետք է վերականգնվի մարդկանց վստահությունը, ներդրումներ կատարվեն»:

Այլ մանրամասները՝ տեսանյութում։