Ձեր վստահելի աղբյուրը

Ազգային ժողովում ՀՀԿ-ական պատգամավոր Հրայր Թովմասյանն առաջարկեց ԱԺ մշտական հանձնաժողովները 12-ից կրճատել՝ հասցնելով 9-ի:

Նա նշեց, որ կան բավականին մոտ ոլորտներ և, ելնելով այդ գործոնից, դրանց փոխկապակցավծությունից, առաջարկում են գործի պետաիրավական հարցերի և մարդու իրավունքների պաշտպանության մշտական հանձնաժողով՝ մարդու իրավունքների պաշտպանության և հանրային հարցերի մշտական հանձնաժողովների փոխարեն:
Առողջապահության,  մայրության և մանկության, ինչպես նաև սոցիալական հարցերի հանձնաժողովներն առաջարկում են գործի մեկ հանձնաժողովում: Գյուղատնտեսության և բնապահպանության, տարածքային կառավարման և տեղական ինքնակառավարման  հարցերի մշտական հանձնաժողովներն առաջարկում են  լինի մեկ հանձնաժողովում: 

Ինչ վերաբերում է անդամների թվաքանակին, Հ. Թովմասյանն ասաց, որ, հաշվի առնելով Սահմանդրության փոփոխությունները, ԱԺ կանոնակարգ օրենքի փոփոխությունները, որոնք բացառում են որևէ պատգամավորի մեկից ավելի հանձնաժողովներում ընդգրկված լինելը, հանձնաժողովներում տեղերը կլինեն ուղիղ 105:

Հանձնաժողովներն են՝

Տնտեսական հարցերի մշտական հանձնաժողով
Պետաիրավական հարցերի և մարդու իրավունքների պաշտպանության հարցերի մշտական հանձնաժողով
Առողջապահության և սոցիալական հարցերի մշտական հանձնաժողով
Արտաքին հարաբերությունների մշտական հանձնաժողով
Գիտության, կրթության, մշակույթի, երիտասարդության, սպորտի հարցերով մշտական հանձնաժողով
Եվրոպական ինտեգրման հարցերի մշտական հանձնաժողով
Պաշտպանության և անվտանգության հարցերի մշտական հանձնաժողով
Տարածքային կառավարման,  տեղական ինքնակառավարման, գյուղատնտեսության և բնապահպանության հարցերի մշատկան հանձնաժողով
Ֆինանսավարկային և բյուջետային հարցերի մշտական հանձնաժողով