Ձեր վստահելի աղբյուրը

Ազգային ժողովի հերթական նիստը մեկնարկեց, ինչպես միշտ, պատգամավորների գրանցմամբ: Գրանցվեց 83 պատգամավոր, սակայն պարզվեց, որ կան պատգամավորներ, ովքեր գրանցման կարգին այնքան էլ ծանոթ չեն, չեն գրանցվել:

«Քանի որ մենք ունենք բավականին մեծ թվով պատգամավորներ, ովքեր առաջին անգամ են ընտրվել և դեռ գրանցման կարգի հետ այնքան էլ ծանոթ չեն, նորից հայտարարում եմ  գրանցում»,- ասաց ԱԺ նորընտիր նախագահ Արա Բաբլոյանը՝ ներկայացնելով գրանցման կարգը:

Երկրորդ անգամ գրանցվեց 89 պատգամավոր:

«Շատ լավ, առաջընթաց ունենք, 89 պատգամավոր է գրանցվել»,-ասաց Ա. Բաբլոյանը:

Նշենք, որ այժմ պատգամավորը ընտրում են ԱԺ նախագահի երեք տեղակալի: «Հայաստանի Հանրապետական» խմբակցությունը Ազգային ժողովի նախագահի տեղակալների համար առաջադրել է Էդուարդ Շարմազանովի և Արփինե Հովհաննիսյանի թեկնածությունները, «Ծառուկյան» դաշինք խմբակցությունը՝ Միքայել Մելքումյանի թեկնածությունը:

ԱԺ նախագահի տեղակալներն ընտրվում են գաղտնի քվեարկությամբ պատգամավորների ընդհանուր թվի ձայների մեծամասնությամբ: