Ձեր վստահելի աղբյուրը

Թուրքիան  գերմանացի պատգամավորներին կթույլատրի հանդիպել Ինջիրլիքում ծառայություն անցնող գերմանացի զինծառայողների հետ, միայն այն պայմանով, եթե  Գերմանիան  պաշտոնական Անկարային արտահանձնի,  այն  անձանց, ովքեր գերմանական իշխանություններից ապաստան են խնդրել:  

«Էրմենիհաբեր»-ի փոխանցմամբ,  այդ մասին հայտարարել է Գերմանիայի արտաքին գործերի նախարար  Զիգմար Գաբրիելը:

Վերջինս տեղեկացրել է, որ ներկայումս Թուրքիայից 450 հոգի ապաստան խնդրելու դիմում է ներկայացվել, որից 80-ը բավարարվել է:

«Թուրքիայի իշխանությունը այդ անձանց ձերբակալելու նպատակով ցանկանում է, որ արտահանձնենք իրենց: Սա մի իրավիճակ է, որտեղ ՆԱՏՕ-ի անդամ երկիրը շանտաժի է ենթարկում ՆԱՏՕ-ի անդամ մեկ այլ երկրի: Սա կտրականապես անընդունելի է»,-ասել է Գաբրիելը:

Գերմանիայի արտգործնախարարի խոսքերով՝ Թուրքիայի իշխանությունը  բացահայտ կերպով  Գերմանիային ասել է ,որ եթե վերջիններս արտահանձնեն ապաստան խնդրողներնն, այդ ժամանակ գուցե  հնարավոր կլինի տեսակցել գերմանացի զինվորներին:

Նա նաև անդրադարձել է թեմայի վերաբերյալ Թուրքիայի արտգործնախարար Մևլութ Չավուշօղլուի հայտարարությանը՝ նշելով, որ նախարարի օգտագործած արտահայտությունը բազմաթիվ վտանգներ են պարունակում:

Ավելի վաղ Չավուշօղլուն վերոնշյալի կապակցությամ ասել էր. «Եթե Գերմանիան ցանկանա հեռանալ Ինջիրլիքից, ուրեմն՝ «բարի ճանապարհ»:

Աղբյուրը հիշեցնում է, որ  գերմանացի պատգամավորներին ավելի վաղ նույնպես արգելվել էր այցելել Ինջիրլիք ռազմաբազա: Այդ ժամանակ պատճառը Գերմանիայի խորհրդարանի կողմից 1915թ. տեղի ունեցածը  ցեղասպանություն որակելն էր: