Ձեր վստահելի աղբյուրը

«Լավ ընտրություններ անցկացնելու համար կարևորագույն նշանակություն ունի հասարակության քաղաքական իրավական  կուլտուրան՝ ինչ աստիճանի է, ինչպես է հասարակությունը հասկանում,  ընկալում, ընտրությունների գինը, այն մարմնի դերն ու նշանակությունը, որը պետք է կազմավորվի»,-Ազգային ժողովի նիստում ասաց պետաիրավական հարցերի և մարդու իրավունքների պաշտպանության հարցերի մշտական հանձնաժողովի նախագահի պաշտոնում ՀՀԿ կողմից առաջադրված Հրայր Թովմասյանը՝ պատասխանելով «Ելք» խմբակցության անդամ Արտակ Զեյնալյանի հարցին, թե կողմնակի, օբյեկտիվ դիտորդների, հասարակության մոտ ձևավորվել է համոզմունք, որ Հայաստանում առկա է ընտրական կաշառքի համակարգված բնույթ, ինչպե՞ս եք պատրաստվում պայքարել դրա դեմ:

Հ. Թովմասյանի խոսքով, որքան ուզում են օրենսդրությունը փոխել, եթե այս ոլորտում դեռ խնդիրներ ունեն, դրանք որոշակի դրսևորումներ ունենալու են:

«Ուստի մեր առջև ծառացած հաջորդ խնդիրը, ընդհանրապես սա ոչ միայն Հայաստանի համար է խնդիր, բոլոր երկրներն այս հարցում ունեն խնդիրներ պարզապես  տարբեր ծավալով, հասարակության քաղաքական, իրավական մշակույթի աստիճանի բարձրացումն է, որպեսզի մենք ընդհանրապես այդ ոլորտում այլևս խնդիրներ չունենանք»,- ասաց նա: