Ձեր վստահելի աղբյուրը

Կոնգրեսի Ներկայացուցիչների պալատի Արտաքին հարաբերությունների հանձնաժողովի նախագահ Էդ Ռոյսը (հանրապետական, Կալիֆորնիա) ամենաբարձրաստիճան անդամ Էլիոթ Էնգելի (դեմոկրատ, Նյու Յորք), Հանրապետական կուսակցության մեծամասնության խմբի ղեկավար Քևին Մըքքարթիի (հանրապետական, Կալիֆորնիա) և Դեմոկրատական կուսակցության երկրորդ ամենաբարձրաստիճան անդամ Սթենի Հոյերի (դեմոկրատ, Մերիլենդ) հետ ներկայացրել է Ներկայացուցիչների պալատի 354 բանաձևը:

Ամերիկայի հայկական համագումարի (Համագումար) հաղորդմամբ՝ այս բանաձևը դատապարտում է մայիսի 16-ին ԱՄՆ-ում Թուրքիայիդեսպանի նստավայրի դիմաց խաղաղ ցուցարարների դեմ բռնությունը: Ներկայացուցիչների պալատի բանաձևը կոչ է անում «օրինազանցներին պատասխանատվության ենթարկել»:

Ներկայացուցիչների պալատի 354 բանաձևում նշվում է. «ժամեր շարունակ տևած խաղաղբողոքի ցույցի ժամանակ բռնություն ծագեց, երբ Էրդողանի կողմնակիցները ևԹուրքիայի դեսպանատնից անձիք մի կողմ հրեցինՎաշինգտոնի ոստիկաններին՝դաժանհարձակման ենթարկելու ցուցարարներին»: Բանաձևում խորին մտահոգություն է արտահայտվում առ այն, որ «թուրք պաշտոնյաները բացահայտորեն ոտնահարել են ԱՄՆ Սահմանադրության Առաջին լրացմամբ ամրագրված ՄիացյալՆահանգների քաղաքացիների իրավունքները, ևբազմաթիվ զինված թուրք անվտանգության աշխատակիցներ ծեծել, ոտքերով հարվածել ու խեղդել են անզեն ցուցարարներին»:

Բացի այդ բանաձևում նշվել է, որ Վաշինգտոնի կենտրոնական ոստիկանական բաժանմունքի և այլոց հաղորդագրություններում հաստատվում է, որ«ցուցարարները չեն հրահրել բռնությունը», և սա ԱՄՆ-ում բռնության երրորդ դեպքն է, որ իրագործվել է Թուրքիայի նախագահ Էրդողանի անվտանգության ծառայախմբի անդամների կողմից:

Ներկայացուցիչների պալատի 354 բանաձևում կոչ է արվում.«ցանկացած թուրք անվտանգության աշխատակից, ովուղղորդել, ղեկավարել կամ մասնակցել է  մայիսի 16-ին թուրքական անվտանգությանուժերի կողմից խաղաղ ցույցի ապօրինի ճնշման գործողությանը, պետք է քրեական պատասխանատվության ենթարկվի և դատական գործ հարուցվի նրանց դեմ Միացյալ Նահանգների օրենսդրության համաձայն»:

Խիստ դեմ արտահայտվելով Թուրքիայում ռեպրեսիվ ավտորիտարիզմի աճող միտմանը՝Ներկայացուցիչների պալատի 354 բանաձևում նշվում է, որ «Միացյալ Նահանգները պետք է քայլեր ձեռնարկի՝ամրապնդելու մամուլի և քաղաքացիական հասարակության ազատությունները երկրներում, ինչպես օրինակ Թուրքիայում, ևպայքարի օտարերկրյա առաջնորդների՝ ազատ ևխաղաղ բողոքի ցույցերն իրենց երկրներում ճնշելու ջանքերի դեմ»:

«Համագումարը երախտագիտություն է հայտնում կոնգրեսականներ Ռոյսին, Էնգելին, Մըքքարթին  ու Հոյերին՝ վերջիններիս կողմից երկկուսակցական օրինագծի ներկայացման համար, որով դատապարտվում է թուրքերի կողմից կատաղի հարձակումը խաղաղ ցուցարարների դեմ և մեր ժողովրդավարական նվիրական արժեքների անարգումը», - նշել է Համագումարի գործադիր տնօրեն Բրայան Արդունին:

Համագումարի անցյալ շաբաթվա հայտարարությամբ կոնգրեսականներին և Վարչակազմին կոչ էր արվում դատապարտել Թուրքիայի կողմից հիմնարար ազատությունների ոտնահարման վերջին դեպքը:Համագումարընաև  համայնքային քարոզչական արշավ սկսեց՝ հորդորելով Ներկայացուցիչների պալատիուՍենատի անդամներին դատապարտել թուրքերի կողմից հարձակումը և պատասխանատվության ենթարկել այս բռնարարքներն իրականացնողներին:

Ի լրումն Ներկայացուցիչների պալատի բանաձևի, 28 կոնգրեսականներ պետքարտուղար Ռեքս Թիլերսոնին ուղղված երկկուսակցական նամակ են ստորագրել՝ վերջինիս կոչ անելով «հրապարակավ դատապարտել այս գործողությունները, և որ նույնքան կարևոր է, ապահովել, որ այդ մարդիկ լիակատար պատասխանատվության ենթարկվեն իրենց գործողությունների համար»:

Աղբյուրի փոխանցամամբ՝ նախորդ օրը սենատորներ Լինսի Գրեհեմը (հանրապետական, Հարավային Կարոլինա) ևՓեթրիքԼեյհին (դեմոկրատ, Վերմոնտ) նամակ էին հղել ԱՄՆ-ում Թուրքիայի դեսպան Սերդար Քըլըչին, որտեղ մասնակիորեն ասվում է. «Տեղական իրավապահ մարմիններին հորդորում ենք դատական գործ հարուցել այս հարձակումն իրականացնողների դեմ օրենքի լիակատար սահմանմամբ և աջակցել ներգրավված ցանկացած դիվանագիտակա նանձնակազմի արտաքսմանը ՄիացյալՆահանգներից»: Այլ սենատորներ և կոնգրեսականներ ևս հանդես են եկել այս հարձակումները դատապարտող հայտարարություններով: