Ձեր վստահելի աղբյուրը

«Այս հանդիպման համար ընտրված վայրը պատահական չէ: Այստեղ՝ Մատենադարանում, պահվում են հայկական,  ղպտական, ասորական, պարսկական ձեռագրեր: Ավելի քան 22 հազար գրված ձեռագրեր կան այստեղ»,- «Aurora Dialogues» քննարկումների երկրորդ օրվա սկզբում իր ելույթում ասաց «Ավրորա» մրցանակաբաշխության համահիմնադիր, մրցանակի Ընտրական հանձնաժողովի անդամ Վարդան Գրեգորյանը:

Նրա խոսքով, հանդիպում են Արարատ լեռան ստվերի ներքո, որը հայկական դիմադրության, տոկունության խորհրդանիշն է: Վ. Գրեգորյանն ասաց, որ ընտրել են այս վայրը նաև պատմական կարևորության պատճառով. «Այս գանձարանը՝  արժեքների, մշակութային, պատմության, ապահովում է  հարատևություն և հավատքի կայունությունը»:

Նա նշեց, որ հայերը յուրահատուկ են, բայց նաև համաշխարհային մեծ ուժի մաս են կազմում, այդ ուժն էլ գիտելիքն է, հարատևությունը,  տոկոնությունը:

«Հայերը կարող են լինել աղքատ՝ ֆիզիկապես, նյութապես, բայց հոգեպես չափազանց հարուստ են: Այս հողը, կառույցը  մենք ընտրել ենք «Ավրորա» մրցանակաբաշխության անցկացման  հետ կապված ՝ ևս մեկ անգամ փաստելով, որ մեզ միավորում է  հենց այդ գիտելիքը: Գիտելիքն ուժ է»,- ասաց Վ. Գրեգորյանը: