Ձեր վստահելի աղբյուրը

Հայաստանի նկատմամբ ռուս զբոսաշրջիկների հետաքրքրությունն աճում է, չնայած մայիսյան տոներից հետո ամռան համար տոմսերի վաճառքի բում չկա:   Նման եզրահանգման է եկել  Ռուսաստանի տուրօպերատորների ասոցիացիան: 

Հայաստանում հանգիստն անցկացնելու ամենալավ եղանակն աշունն ու գարունն են, ամռանը շատ շոգ է:

«Ամեն դեպքում տոմսերի վաճառքի աճ կա: Կարծում եմ,  դա նաև պայմանավորված է այն հանգամանքով, որ ռուսաստանցիները կարող են Հայաստան այցելել ներքին անձնագրերով»,-ասել է ICS Travel Group-ի ներկայացուցիչ Աննա Ֆիլատովսկայան:

Շուկայի այլ խաղացողներն այն համոզմանն են, որ Հայաստանը էկզոտիկա է այն զբոսաշրջիկների համար, ովքեր շրջել են շատ աշխարհով մեկ, հիմա ավելի մոտ տեղում արտասովոր ու անհայտ բան են ուզում տեսնել:

Տուրօպերատորների գնահատմամբ, Հայաստանը հանգստի համար ընտրում են ինտիլիգենտ, փարձառու զբոսաշրջիկները:

Նրանք Հայաստան գնում են՝ այցելած երկրների մեծ ցուցակի մեջ ևս մի նշան դնելու համար: Որպես կանոն այդ մարդիկ Հայաստանից վերադառնում են շատ ոգևորված, նշելով, որ եվրոպական շատ երկրներ զիջում են Հայաստանին ինչպես սպասարկման, այնպես էլ էքսկուրսիաների անցկացման առումով:

«Եվ դա ճիշտ է, քանի որ հայերը շատ հյուրասեր են, լավ տիրապետում են ռուսաց լեզվին ու գեղարվեստական խոսքին, իսկ դա հաջողության 90 տոկոսն է»,-գրում է ասոցիացիայի կայքէջը:
SIGroup տուրօպերատորի ներկայացուցիչն էլ ասել է, որ նախորդ տարվա համեմատ պահանջարկն ավելացել է 40-50 տոկոսով:

Քանի որ Հայաստանը ծով չունի, մեծ պահանջարկ են վայելում, Երևան, Սևան, Ջերմուկ ուղղությունները: