Ձեր վստահելի աղբյուրը

Խորհրդարանում այսօր  քննարկվում է ԱԺ պատգամավոր Արփինե Հովհաննիսյանի և կառավարության կողմից համատեղ  ներկայացված «Կոռուպցիայի կանխարգելիչ հանձնաժողովի մասին» և կից ներկայացված հարակից օրենքների նախագիծը:

Հիմնական զեկուցող Արփինե Հովհաննիսյանը նշեց, որ «Հանրային ծառայության մասին» ՀՀ օրենքի այս նախագծով առաջարկվում է  ընդլայնել բարձրաստիճան պաշտոնատար անձանց էթիկայի հանձնաժողովի հայտարարատուների ցուցակն ու սահմանել ընտանիքի կազմը:  Ըստ նրա՝  եթե ներկայումս հայտարարատու պաշտոնատար անձինք շուրջ 500-ն են, ներկայացվող փոփոխությամբ նրանց թիվը կհասնի մինչև 2200:

«Այս ցանկում ներառված են դատախազները, քննիչները, հատուկ ծառայություններում գլխավոր պաշտոններ զբաղեցնող անձինք և գնումների բողոքարկման խորհրդի անդամները: Եթե հանրային ծառայության այս կամ այն ոլորտին է վերաբերում, ապա բարձրագույնի շեմն իջեցվել է մինչև գլխավոր: Հաջորդը հստակեցվել է ընտանիքի կազմը. նոր փոփոխությամբ ընտանիքի կազմում ներառվում են ամուսինը, անչափահաս զավակը, խնամակալության կամ հոգաբարձության ներքո գտնվող անձինք, ինչպես նաև բարձրաստիճան պաշտոնյայի հետ համատեղ ապրող ցանկացած անձ»,- նշեց Արփինե Հովհաննիսյանը:

Նրա խոսքերով՝ այս մարմինն իրականացնելու է հայտարարագրերի ստուգում, վերլուծություն, կունենա ազդարարման վարույթի հետ կապված գործիքակազմ, իրավասու է լինելու կասկածների դեպքում տեղեկությունը տրամադրելու Գլխավոր դատախազությունը, սակայն քննչական գործառույթներ չի ունենալու:

Մանրամասները՝ տեսանյութում: