Ձեր վստահելի աղբյուրը

ՀՀԿ գործադիր մարմնի այսօրվա նիստում քննարկվել են ներկուսակցական, ներքաղաքական խնդիրներ: Այս մասին այսօր Գործադիր մարմնի նիստից հետո լրագրողների հետ զրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը:

Նրա խոսքերով՝  ամփոփվել են այս օրերին ԱԺ արտահերթ նիստի աշխատանքները, ինչպես նաև քննարկումներ են ծավալվել արտաքին քաղաքական օրակարգի հետ կապված:

Ամենակարևորը, ըստ ՀՀԿ խոսնակի, այն է, որ կուսակցությունը որոշել  է ԱԺ պատվիրակությունների ղեկավարների թեկնածուներին:

Այսպիսով, ԱՊՀ  խորհրդարանական վեհաժողովի հայկական պատվիրակության  ղեկավարն է Արա Բաբլոյանը, ՀԱՊԿ  խորհրդարանական  վեհաժողովի ղեկավարը՝ Էդուարդ Շարմազանովը, ԵԽԽՎ-ում՝ Արփինե Հովհաննիսյանը, ԵԱՀԿ-ում՝ Հերմինե Նաղդալյանը, Եվրանեստում՝ Արմեն Աշոտյանը, Հայաստան-Եվրամիություն՝ Արմեն Աշոտյանը, ՆԱՏՕ-ում՝ Կորյուն Նահապետյանը,  Ուղղափառություն՝ Արտաշես Գեղամյանը, Սևծովյան խորհրդարանական վեհաժողովում՝ Գագիկ Մինասյանը, Ֆրանկոֆոնիայի խորհրդարանական վեհաժողովում՝ Մարգարիտ Եսայանը, Միջխորհրդարականան միությունում՝ Արա Բաբլոյանը։

Քննարկել են նաև միջխորհրդարանական հանձնաժողովների  պատվիրակությունների ղեկավարների հարցը։
«Հայաստան-Ռուսաստան միջխորհրդարանական պատվիրակության ղեկավարն է Արտաշես Գեղամյանը, Հայաստան-Վրաստան՝  Էդուարդ Շարմազանովը, Հայաստան-Արցախ՝ Արա Բաբլոյանը, Հայաստան-Բելառուս՝ Էդուարդ Շարմազանովը, Կիպրոսինը՝ Էդուարդ Շարմազանովը, Հայաստան-ԱՄՆ՝ Արփինե Հովհաննիսյանը։