Ձեր վստահելի աղբյուրը

«ԳԱԱ Վիկտոր Համբարձումյանի անվան Բյուրականի աստղադիտարանում այցելությունների աճ կա»,-այս մասին լրագրողների հետ ճեպազրույցում ասաց աստղադիտարանի տնօրեն Արեգ Միքայելյանը՝ նշելով սակայն, որ այս հարցին խիստ քննադատաբար է մոտենում:

«Ցավոք, այդ այցերը կազմակերպված չեն: Եթե ուսումնասիրենք մեր տուրիստական ընկերությունների ներգնա փաթեթները, այնտեղ աստղադիտարանը պաշտոնապես գրված, ներկայացված չէ: Թեև բազմաթիվ խմբեր են այս տարածք բերվում՝ Օհանավանք, Սաղմոսավանք, Տառերի պուրակ, Ամբերդ, Օշական, գալիս են պտտվում, բայց կարծես անտեսում են աստղադիտարանը», - ասաց նա:

Միքայելյանի խոսքով՝ պետք է ակտիվացնել թե միջազգային կապերը, թե հայ հասարակության մեջ աստղադիտարանի դերը, ինչպես նաև դպրոցական ծրագրերի մեջ այցելությունները դարձնել պարտադիր:

«Ի տարբերություն շատ երկրների, որտեղ աստղադիտարաններն ուղղակի սովորական շենք են, մեզ մոտ այն գեղեցիկ ճարտապետական կառույց է՝ հարուստ բուսական աշխարհով»,- հավելեց տնօրենը: