Ձեր վստահելի աղբյուրը

«Կանխամտածված սադրանք Ադրբեջանի կողմից: Զինված խումբը  սպանել է Արցախի պաշտպանության բանակի երեք զինծառայողներ»,-այս մասին թվիթերյան իր էջում գրել է ԱԳՆ խոսնակ Տիգրան Բալայանը:

Նա ավելացրել է. «Բաքուն կրելու է հետագա զարգացումների պատասխանատվությունը»:

Հիշեցնենք, որ հունիսի 16-ին՝ ժամը 18:05-ի սահմաններում, հակառակորդը հաստոցավոր հակատանկային նռնականետերից խախտել է հրադադարի պահպանման ռեժիմը  ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով մահացու վիրավորումներ են ստացել ՊԲ զինծառայողներ Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.):
 
Այսօր առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի հետևանքով ժամը 09.40-ի սահմաններում մահացու հրազենային վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը: 
 

In a deliberate provocation #Azerbaijan|i armed gang killed 3 soldiers of @Karabakh_MoD Baku bears responsibility 4 further developments pic.twitter.com/EFFup9tXdz

— Tigran Balayan (@tbalayan) June 16, 2017