Ձեր վստահելի աղբյուրը

Նախորդ տարվա ապրիլին ղարաբաղյան հակամարտության սրման արդյունքում ավելի քան երկու հազար մարդ Լեռնային Ղարաբաղից տեղափոխվել էին Հայաստան: Փախստականի համաշխարհային օրվա և «Մենք կանգնած ենք Փախստականների կողքին» քարոզարշավի կապակցությամբ լրագրողների հետ հանդիպմանն ասաց Հայաստանում Միավորված ազգերի կազմակերպության Փախստականների հարցերով գերագույն հանձնակատարի (ՄԱԿ ՓԳՀ) ներկայացուցիչ Քրիստոֆ Բիրվիրթը:

Նա նշեց, որ նրանց մեծամասնությունը կանայք, երեխաներ և տարեցներ  էին, իսկ տղամարդիկ մնացել էին՝ պաշտպանելու իրենց տները կամ մասնակցելու գործողություններին: Հայաստան եկածներից շատերը կացարան գտան իրենց բարեկամների  կամ ընտանիքի ընկերների մոտ, ովքեր, նրա խոսքով, հիմականում պատկանում են հասարակության ցածր խավին:

Քրիստոֆ Բիրվիրթը նշեց, որ ՄԱԿ-ի ՓԳ-ին տպավորել է տեղահանված անձանց ցուցաբերած աջակցության և հյուընկելության մակարդակը, հասարակության բոլոր շերտերում հյուրընկալության բարձր մակարդակ են արձանագրել: Նա նաև նշեց, որ իրավիճակը դրդել է ՄԱԿ-ի ՓԳՀ-ին անհապաղ ներգրավվածություն ցուցաբերել: ՄԱԿ-ի ներկայացուցիչն ասաց, որ ՄԱԿ ՓԳՀ գործադիր կոմիտեի ամենամյա հանդիպմանը Հայաստանի կառավարությունը բարձր է գնահատում «Հայաստանի Հանրապետության կառավարությունը բարձր է գնահատում Հայաստանում ՄԱԿ ՓԳՀ ներկայացուցչության արագ  և արդյունավետ մարդասիրական արձագանքը, որը անմիջապես հասավ կարիքավոր անձանց՝ առաջարկելով նպատակային առաջնային օգնության պարագաները և շատ կարճ ժամանակահատվածում տրամադրեց դրամական աջակցություն առավել կարիքավոր անձանց»:

ՀՀ-ում ՄԱԿ-ի Փախստականների հարցերով գերագույն հանձնակատարի ներկայացուցչի խոսքով, ԼՂ-ի տեղահանված անձանցից շատերը  ի վիճակի եղան  վերադառնալ. 2016 թ. վերջին 573 անձ (172 ընտանիք), հիմնականում հակամարտությունից տուժած գյուղից՝ Թալիշից, շարունակում են մնալ տեղահանված, քանի որ Թալիշը դեռ անվտանգ չէ: