Ձեր վստահելի աղբյուրը

Հայաստանի Հանրապետական խմբակցության անդամ Խոսրով Հարությունյանը կառավարության ծրագրի հիմնական մեխը համարում է առկա խնդիրներին համակարգային լուծումներ տալը, որոնք որևէ կապ չեն ունենա այս կամ այն ահնատի հետ:

«Այս  փաստաթղթի հիմնական մեխը համակարգային բնույթի բարեփոխումներն են, այս փաստաթուղթն ասում է, ինչպես բարեփոխել»,-ասաց ՀՀԿ-ական պատգամավորը:
Նա որպես օրինակ մատնանշում է արտահանողների ապահովագրության ներդրումը, որը, ըստ Հարությունյանի, անհրաժեշտ ու օգտակար, լուրջ ինստիտուտ է:

«Պայմանավորվա՞ծ կլինի, արդյոք այս ինստիտուտի գոյությունը նրանից՝  վարչապետը Կարեն Կարապետյա՞նն է, թե ոչ: Անկասկած՝ ոչ: Ծրագրի առավելությունը հենց այսպիսի լուծումներ են, որոնք չեն պայմանավորվում որևէ անհատի հետ: Ստեղծել տնտեսական, քաղաքական անշրջելի կայուն երաշխքիներ՝ անկախ այն բանից, թե ով է կառավարությունը, քաղաքական մեծամասնությունը, որպեսզի դրանք կարողանան գործել»,-ասաց Հարությունյանը:

Նա նշեց, որ կառավարության այս ծրագիրը չիրականացնելու որևէ շանս ոչ իշխանությունը, ոչ ընդդիմությունը չունեն: Նա ծրագիրը համարեց հավակնոտ, կարծիք հայտնեց, որ այն արժանի է հավանության:

Մանրամասները՝ քիչ անց տեսանյութում: