Հակամարտ կողմերը, առավել քան երբևէ, ծայրահեղ բևեռներում են. Լարիսա Ալավերդյան

Քաղաքական 11:50 22/06/2017 Արցախ

Հակամարտ կողմերը, առավել քան երբևէ, ծայրահեղ բևեռներում են. Լարիսա Ալավերդյան

«Արցախյան հակամարտության կողմերը, առավել քան երբևէ, ծայրահեղ հակառակ բևեռներում են և ծայրահեղ հակառակ դիրքորոշում ունեն»,-այսօր կայացած մամուլի ասուլիսի ժամանակ այս մասին ասաց «Ընդդեմ իրավական կամայականությունների» ՀԿ նախագահ Լարիսա Ալավերդյանը:

«Ադրբեջանի ռազմավարությունն այս տարիների ընթացքում չի փոխվել: Նրա նպատակը հայությանն այս տարածաշրջանից դուրս մղելն է, նույնը, ինչ 1915-ին անում էին թուրքերը: Ադրբեջանն այսուհետ ևս շարունակելու է իր ագրեսիվ քաղաքականությունը, և ապրիլյան պատերազմը ոչ թե առանձին դեպք էր, այլ մարդկային կյանքեր թիրախավորած և թեկուզ 1 ք/մ գրավելու միտված գործողություն: Ադրբեջանը մեկ օր անգամ չի հրաժարվել սադրիչ րև ագրեսիվ քաղաքականությունից»,- ասաց նա:

Անդրադառնալով ԵԱՀԿ Մինսկի խմբի՝ առաջին հայացքից հասցեական հայտարարություններին՝ Լարիսա Ալավերդյանը նկատեց՝ դրանք ոչ այլ ինչ են, եթե ոչ կեղծ լավատեսություն, կես բերան ասված խոսք:

Ինչ վերաբերում է երեկ համացանցում տարածված տեսանյութին, ուր ադրբեջանցիները հարցաքննում են հայ գերուն, բանախոսն այն տեղեկատվական պատերազմի դասական օրինակ որակեց: Մինչդեռ Հայաստանը, ըստ Լարիսա Ալավերդյանի, համարժեք մշակված քաղաքականություն չունի: «Խոսքն ամենևին այն մասին չէ, որ հայկական կողմն իր հերթին ապատեղեկատվություն տարածի: Պարզապես անհրաժեշտ է, որ մենք համարժեք պատասխան տանք հակառակորդին, ոչ թե որոշակի պահերի միայն պաշտպանվենք: Մեր նախաձեռնողականությունը զրոյական մակարդակի է»,- ասաց նա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: