Ձեր վստահելի աղբյուրը

«Կառավարության ծրագիրն, անկախ տարբեր կարծիքներից,  հարկ եղածից ավելի մանրակրկիտ է, ոլորտ առ ոլորոտ հստակ չափելի, կոնկերտ պատասխանավություն ենթադրող,  ժամանակացույց անելիքներով»,- Ազգային ժողովի արտահերթ նիստում կառավարության 2017-2022 թթ. ծրագրին հավանություն տալու մասին հարցի քննարկման ասաց ՀՅԴ խմբակցության քարտուղար Աղվան Վարդանյանը:

Նրա խոսքով, քաղաքացին, քաղաքական ուժերը ցանկության դեպքում  կարող են հետևել ժամանակացույցին  և արածի ու չարծի հաշվետվություն պահանջել:

«Ծրագրի առանցքը լայնամասշտաբ բարեփոխումներն են, որոնք մեր բառապաշարով պետք է լինեն արմատական ու որակական: Արմատական  բարեփոխումները հանրության որոշ շերտերի համար կարող են նաև ցավոտ լինել: Այս առումով չափազանց կարևոր է, որ ծրագրի նշանային ՝ «բարձրացնել և ամրապնդել  արդարության ու վստահության մթնոլորտը մեր հասարակությունում» արտահայությունը կյանքի կոչելու տեսանելի քայլեր կատարվեն: Եթե կառավարությունը կարողացավ հանրության գոնե մի մասի մոտ կոնկրետ արդյունքներով լավատեսություն, վաղվա օրվա հանդեպ հավատ ներշնչել, հասարակության առողջ հատվածը կմասնակից բարեփոխումներին: Առանց այդպիսի մասնակցությամբ, առանց հետադարձ կապի ապահովման, ցանկացած, նույնիսկ լավագույն ծրագիր, դատապարտված է»,- նշեց ՀՅԴ-ական գործիչը:

Ա. Վարդանյանն ասաց, որ կառավարությունից պահանջում է հատուկ ուշադրություն դարձնել այս հանգամանքին. «Ասում եք՝ պայքարելու եք կոռուպցիայի, մենաշնորհի դեմ, պետք է գործնական քայլերով  ապացուցեք, ասում եք՝ արտոնյալներ, հովանավորյալներ չեն լինելու, հավասար մրցակցային պայմաններ եք ապահովելու, օրենքը տարածվելու է բոլորի վրա,  հարկային, մաքսային մարմիններն անկողմնակալ են լինելու, իրավապահները ծառայելու են  ոչ թե   իշխանությանը, այլ քաղաքացուն, դարձյալ  պետք է գործնականում ապացուցեք:

Շոուները, խարդավանքները, մամուլով ներիշխանական  շանտաժները վիճակ չեն փոխելու: Կոնկրետ մարդը պետք է տեսնի  իր հանդեպ պետական մարմինների, պաշտոնյաների վերաբերմունքի էական տարբերություն:

Ապրիլյան օրերից հետո ասել եմ՝  այսպիսի ժողովուրդն այլ վերաբերմունքի է արժանի»:

Նրա խոսքով, ծրագիրը կյանքի կոչելու համա այս կառավարությանը, այս վարչապետին ամենից ավելի վճռականություն է անհրաժեշտ՝ սկսածը մինչև  վերջ տանելու, ոչնչի առաջ չկանգնելու վճռականություն:

«2018 թվականի քաղաքական կեղծ օրակարգը թաժացնողներ լինելու են : Ներեցեք, որ հարցնում եմ՝ բայց ձեզ համար ի՞նչ տարբերություն, թե ով է լինելու վարչապետ, ձեր մոտեցումները դրանից փոխվելո՞ւ են, Արտակ Զեյնալյանը սոցիալիստ-պահպանողական է դառնալո՞ւ: Համբերեք 9 ամիս, հարցեր չեն մնա»,- ասաց ՀՅԴ-ական Աղվան Վարդանյանը: