«The economist». Պատերազմը կարող է վերջ դնել քրիստոնյաների դարավոր պատմությանը

Հասարակություն 11:50 27/06/2017 Հայաստան

Մինչև վեցամյա պատերազմը Սիրիայում ապրում էր 90 հազար էթնիկ հայ, որից երկու երրորդը՝ Հալեպում: Հիմա Սիրիայում մնացել է 30 հազարից էլ քիչ հայ: Սիրիահայերի խնդրին անդրադարձել է The economist պարբերականը:

Աղբյուրը հիշեցնում է, որ հայերը Սիրիայում հաստատվեցին 1915 թվականից հետո՝ Օսմանյան Կայսրության կողմից իրականացրած մասայական էթնիկ զտումների հետևանքով:

Ոմանց համար Սիրիայի քաղաքացիական պատերազմը վերջ դրեց երկար ձգվող դարին: 61-ամյա գործարար Հրայր Ագուլյանն իր խնայողությունները ներդրեց կահույքի գործարան կառուցելու համար, բայց այն ավերված տեսավ: Հիմա նա Երևանում է ապրում:

«Այս վիճակն է արդեն ավելի քան 100 տարի: Մերձավոր Արևելքում քրիստոնյաներն ապագա չունեն»,-սիրիահայի խոսքը մեջբերում է պարբերականը:

Սիրիայում ապրող հայերից շատերը սփռվեցին Լիբանանում, Կանադայում, Թուրքիայում, Պարսից ծոցում: Մոտ 30 հազար մարդ գնաց հայրենիք: Առաջինը Հայաստան գնացին ունևորները: Մյուսները փորձեցին սպասել պատերազմի ավարտին, հեռացան միայն ունեցած միջոցները սպառվելուց հետո: Նրանք հայրենիք եկան դատարկաձեռն:

Նախկին արտգործնախարար Վարդան Օսկանյանը նշել է, որ Հայաստան եկած փախստականները փոքր բիզնեսներ են հիմնել: Նրանք հմուտ մասնագետներ ու արհեստավորներ են՝ ոսկերիչներ, բժիշկներ, ինժեներներ, արդյունաբերողներ: Տեղացի հայերը հիացած են նորեկների բացած ռեստորաններով: Պարբերականը նշում է, որ 30 ընտանիք տեղափոխվել է Արցախ:

Վազգեն Յակուբյանը, ով շինարարական ընկերություն ուներ Դամասկոսում, նշել է, որ Սիրիայից Հայաստան եկողներ դեռ կան: Կան մարդիկ, որ վերադարձել են Սիրիա: Սիրիահայերի մեջ կան մարդիկ, ովքեր պնդում են՝ Սիրա վերադառնալու պարտականություն ունեն, քանի որ իրենց սփյուռքը հայկական քաղաքակրթության կարևոր ճյուղ է ու պետք է պահպանվի:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: