Ձեր վստահելի աղբյուրը

Կոնվերս Բանկը, գործարկած ակցիայի շրջանակներում, առաջարկում է մինչև սեպտեմբերի մեկը Բանկում ներդնել նվազագույնը 100 հազար դրամի չափով, 12 ամիս ժամկետով «Ամառային» ավանդ և օգտվել ակցիայի ընձեռած  հնարավորություններից:  Բանկի հասարակայնության հետ կապերի ծառայության փոխանցմամբ՝ ավանդի տարեկան անվանական տոկոսադրույքը կազմում է 10%, իսկ Ինտերնետ բանկինգ համակարգով ներդրման դեպքում՝ 10.5%: Ըստ որում, ավանդի ողջ ժամանակահատվածի համար տոկոսագումարը վճարվում է ավանդի ներդրման պահին:

«Ակցիայի շրջանակներում  Կոնվերս Բանկի «Կիլիկիա» և «Նոր Նորք» մասնաճյուղերում անհատական պահատուփերի ծառայություն կտրամադրվի ստանդարտ սակագնից 50%-ով նվազեցված սակագնով, ինչպես նաև ներդրված ավանդի գումարի մինչև եռապատիկի չափով վարկային քարտ ստանալու հնարավորություն կընձեռվի »,- տեղեկացնում են Բակից:

Վարկային սահմանաչափը տրամադրվելու է  0 %  տարեկան դրույքաչափով, առավելագույնը 15 ամիս մարման ժամկետով, որից 3 ամիսը արտոնյալ ժամանակահատվածն է: Դա նշանակում է, որ վարկի մարումը սկսվելու է վարկավորման չորրորդ ամսից:

Վարկային սահմանաչափը հնարավոր է օգտագործել ամառային հանգստի կազմակերպման համար՝  ConverseQvota ակցիայի շրջանակներում՝ Բանկի գործընկերների ցանցում:

«Սա Կոնվերս Բանկի հերթական շահավետ առաջարկն է, որն ավանդատուներին հնարավորություն կտա եկամուտ ստանալ խնայողությունների հաշվին, և, զուգահեռաբար, օգտվելով վարկավորումից, ամառային հանգիստը անցկացնել լավագույն պայմաններում»,- նշում են Բանկում:

«Ամառային» ավանդի մանրամասներին կարող եք ծանոթանալ այստեղ, իսկ ConverseQvota ակցիայի մանրամասներին և գործընկերային ցանցին՝ հետևյալ հղմամբ: