Ձեր վստահելի աղբյուրը

Ես ունեմ շատ մեղքեր, այնքան շատ, որ մի ասուլիսը չի հերիքի թվարկելու՝ շատ եմ ուտում, շատ եմ խմում և շատ եմ ժպտում: Լրագրողների հետ այսօր կայացած հանդիպման ժամանակ  ասաց «Ժառանգություն» կուսակցության նախագահ Րաֆֆի Հովհաննիսյանը՝ նշելով, որ այսօր լրանում է տիկին Արմենուհու և իր ամուսնության 32-ամյակը:

Նրա խոսքով, մարդիկ հաճախ մոտենում են իրեն և ասում՝ ինչու 27 տարի առաջ Հայաստան եկար՝ թողած իրավաբանի կարիերան և ծովի վրա ունեցած վիլլան:

«Ինձ Հայաստան բերեց սերը: Արմենուհին սխալ հաշվարկ կատարեց՝ մտածելով, որ ամուսնանալով ամերիկահայ իրավաբանի հետ՝ կապրի խաղաղօվկիանոսյան հանգիստ կյանքով: Սակայն նա էլ եկավ Հայաստան և հայտնի է՝ այսօր ինչ գործունեություն է այստեղ ծավալում»,- ասաց քաղաքական գործիչը:

Անդրադառնալով Սպարապետ Վազգեն Սարգսյանի եղբոր՝ Արամ Սարգսյանի հետ իր հարաբերություններին, Րաֆֆի Հովհաննիսյանն ընդգծեց՝ նա հրաշալի մարդ է՝ անմնացորդ հայրենասիրությամբ և նվիրումով:

«Շատ կուզենայի, որ մենք նրա հետ առանձին հանդիպեինք և խոսեինք: Այդպես եղել է միշտ: Ես նախընտրում եմ աղոթել եկեղեցում, իմ տանը, Ծիծեռնակաբերդում, քան տասը զոհ տալ ու հետո տուն գնալ: Մարտի 1-ի զոհերի ընտանիքներից մեկն արդեն իսկ արտագաղթել է Հայաստանից: Մինչ օրս երեք նախագահներից ոչ մեկը չի հարցաքննվել այս ողբերգական դեպքերի առնչությամբ: Ոչ էլ ես, որ այդ օրը գտնվում էի Պետերբուրգում և Հայաստան վերադարձա մարտի 2-ին: Ես խնդիր չունեմ այսօր կամ ընդհանրապես որևէ մեկի մոտ միավոր ստանալ: Դա իմ տեսակն է»,- նշեց «Ժառանգության» առաջնորդը:

Րաֆֆի Հովհաննիսյանը ներկաներին տեղեկացրեց, որ օրեր առաջ պատահաբար հանդիպել է Նիկոլ Փաշինյանին և նրան ասել , որ ինքն ավելի լավ ընկեր է Արամ Սարգսյանին, քան հենց ինքը՝ Նիկոլ Փաշինյանը:

«Ես չեմ ասի, թե Հոկտեմբերի 27-ից հետո Արամն ինչ արեց: Այդ ժամանակ, երբ նայեցի, շուրջս Արամը չկար, կար իմ ընտանիքը»,- նշեց նա: