Ձեր վստահելի աղբյուրը

Մեկշաբաթյա ամառային ճամբար Թումո ստեղծարար տեխնոլոգիաների կենտրոնում՝ համաշխարհային տեխնոլոգիական նորություններին, ռոբոտաշինության, անիմացիոն ֆիլմերի ու կայքերի  ստեղծման նրբություններին ծանոթանալու հնարավորությամբ:

Կոնվերս Բանկի հասարակայնության հետ կապերի վարչությունից հայտնում են, որ Տավուշի մարզի սահմանամերձ Կողբ գյուղից Վիկտորիա Ավագյանի և Ռոբերտ Ղուլիջանյանի՝ Թումոյի ճամբարին մասնակցելու երազանքը իրականություն է դարձել Բանկի աջակցությամբ: Երեխաների ընտրությունը կատարվել էր՝ ելնելով նրանց՝ ճամբարին մասնակցությունից ակնկալվող արդյունքների հիմնավորումներից: Դպրոցականները նշել էին, թե  Կողբ  գյուղի միջնակարգ դպրոցում գործող  Արմաթ խմբակ են հաճախում, իսկ Թումո-յի ամառային ճամբարին մասնակցությունը հնարավորություն կտա խորացնել տեխնոլոգիաների ոլորտում գիտելիքները, ինչը հետագայում կարող են ոչ միայն փոխանցել համագյուղացի երեխաներին , այլև օգտագործել կյանքում՝ անկախ, թե ինչ մասնագիտություն կընտրեն հետագայում:

Կոնվերս Բանկը մշտապես աջակցում է դպրոցականներին և երիտասարդությանը՝ մասնակցելով նոր սերնդի կրթմանը, ստեղծելով նրանց ուսման համար նպաստավոր միջավայր, ինչպես նաև գործարկելով  քարտային, վարկավորման տարբեր ակցիաներ: Բանկից վստահեցնում են, որ միջազգային չափանիշներին, տնտեսության զարգացման միտումներին համահունչ կրթություն ստացած , աշխատանքի շուկայում մրցունակ երիտասարդներն են կերտելու մեր ապագան: 

«Այս առումով Կոնվերս Բանկը համագործակցել և  համագործակցում է  այնպիսի կրթօջախների, ուսումնական հաստատությունների հետ, ինչպիսիք են Հայաստանում Ամերիկյան Համալսարանը, Անանիա Շիրակացու անվան կրթահամալիրը, Երևանի Պետական Տնտեսագիտական Համալսարանը և այլն», - ասաել են Բանկից՝ հավելելով, որ  սա  Թումո ստեղծարար տեխնոլոգիաների կենտրոնի հետ Կոնվերս Բանկի  համագործակցության  սկիզբն է, որը երկարաժամկետ ու արդյունավետ գործակցության հիմք կարող է դառնալ:

Աղբյուրը նշում է, որ  այս տարի  Թումո ստեղծարար տեխնոլոգիաների կենտրոնի՝ թվով հինգերորդ ամառային ճամբարին մասնակցել է ավելի քան 100 երեխա՝ 10 բնակավայրից:

Լուսանկարները` Թումո կենտրոնից։