Բացառիկ էր Արցախի ՄԻՊ-ի ասուլիսն Եվրախորհրդարանի շենքում. Արման Թաթոյան
«Ժամանակն է, որպեսզի մենք ոչ թե ներկայացնենք զինծառայողների իրավունքները որպես ռիսկային խմբի իրավունք, այլ խոսենք մարդու իրավունքների մասին Զինված ուժերում»,- Ազգային ժողովի արտահերթ նիստում «2016 թվականի ընթացքում ՀՀ մարդու իրավունքների պաշտպանի գործունեության, մարդու իրավունքների և ազատությունների պաշտպանության վիճակի մասին» տարեկան հաղորդման քննարկմանն ասաց ՀՀԿ խմբակցության անդամ Կորյուն Նահապետյանը:
Նրա խոսքով, դա կլինի առավել ամբողջական, հստակ ուղերձ, որ իրենք այլևս զինծառայողների իրավունքների պաշտպանությունը չեն համարում իրենց համար ռիսկային խնդիր:
Հաղորդումը ներկայացնող Մարդու իրավունքների պաշտպան Արման Թաթոյանը համաձայնվեց պատգամավորի հետ՝ նշելով, որ պետք է լինի զինծառայողի ոչ թե առանձին ռիսկային խումբ, այլ Զինված ուժերում մարդու իրավունքների վիճակին առնչվող ձևակերպում:
«Շուտով պատրաստում ենք հրապարակել հատուկ վերլուծություն «Զինված ուժերում մարդու իրավունքների վիճակի վերաբերյալ» վերնագրով»,- տեղեկացրեց նա:
Ա. Թաթոյանը նաև հայտնեց, որ պաշտպանության նախարարի հետ քննարկել ու պատրաստել են մի փաթեթ, որը վերաբերում է զինծառայողների համար ոչ ֆինանսական բնույթի արտոնություններ նախատեսելուն՝ սկսած արձակուրդի, աշխատանքի տեղի պահպանման իրավունքից և այլն:
«Հատուկ վերլուծություն է պատրաստվում օրենսդրական թերությունների վերաբերյալ՝ սկսած զինգրքույկներից մինչև ծառայողական կարգապահական վարույթների իրականացումը զինծառայության ընթացքում»,- ասաց Ա. Թաթոյանը:
Կ. Նահապետյանի հետաքրքրվեց նաև, թե 2016 թ. ապրիլյան պատերազմից հետո ադրբեջանական զինված ուժերի վայրագությունների կապակցությամբ ինչպիսի՞ գործողություններ, քայլեր են ձեռնարկվել, ինչպիսի՞ արդյունքներ են ունեցել:
Ա. Թաթոյանն ասաց, որ ապրիլյան պատերազմից հետո Արցախի ՄԻՊ-ի հետ իրականացրել են փաստահավաք աշխատանք, այնուհետև հրապարակվել է Արցախի Մարդու իրավունքների պաշտպանի զեկույցը, որն ունի բարձր որակ:
«Այն դրվել է Եվրոպական դատարան ներկայացած գանգատների հիմքում»,- ընդգծեց ՄԻՊ-ը:
Նա բացառիկ որակեց Արցախի ՄԻՊ Ռուբեն Մելիքյանի ասուլիսն Եվրախորհրդարանի շենքում, որտեղ հանդես էր գալիս որպես Արցախի Մարդու իրավունքների պաշտպան, այն էլ այդ զեկույցի շրջանակում:
«Ապրիլյան պատերազմի հետ կապված առանձնահատկությունն այն է, որ այստեղ պետք է անընդհատ ցույց տրվի Արցախի ՄԻՊ-ի աշխատանքը, որովհետև իսկապես բարդ աշխատանք է տարվում բարդ պայմաններում: Արդեն անգլերեն լեզվով երրորդ զեկույցն է պատրաստվում»,- ասաց Արման Թաթոյանը:
Հարակից հրապարակումներ`
- Արցախի ՄԻՊ-ն ԱՄՆ-ում մի շարք հանդիպումներ է ունեցել
- Արցախի ՄԻՊ-ն ու ԱՄՆ կոնգրեսականները քննարկվել են Ապրիլյանի ընթացքում Ադրբեջանի կատարած վայրագությունները
- Արցախի ՄԻՊ. Նոր ի հայտ եկած տեսագրությունում ադրբեջանցի զինծառայողը հնչեցնում է «ցեղասպանություն կատարելու» սպառնալիք
- ՀՀ ՄԻՊ-ը պատասխանում է panorama.am-ի հարցմանը
- Արցախը միակ վայրն է Եվրոպայում, որտեղ մարդու իրավունքների դիտորդական որևէ առաքելություն չի գործում. Ռուբեն Մելիքյան
- Արցախի օմբուդսմենը Եվրոպական խորհրդարանում ներկայացրել է Ապրիլյանում Ադրբեջանի վայրագությունները
- Ջոն Էվանսը՝ Արցախի ՄԻՊ-ի մասին. Աշխարհը պետք է ծափահարի
- Արցախի ՄԻՊ-ը զեկույց կհրապարակի՝ ադրբեջանական զինված ուժերի կողմից միջազգային իրավունքի կոպիտ խախտումների մասին
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
