Ձեր վստահելի աղբյուրը

««Սասնա ծռերի» կողմից շենք շինություններն ազատելը, պատանդներին բաց թողնելն ինքնին Քրեական օրենսգրքով նախատեսված կարգով խրախուսական նորմի կիրառում չէ»,-ԱԺ-ում լրագրողների հետ զրույցում հայտարարեց Հանրապետական պատգամավոր, նախկին գլխավոր դատախազ Գևորգ Կոստանյանը:

Լրագրողները նրանից հետաքրքրվեցին հետևո՞ւմ է Կոստանյանը «Սասնա ծռեր»-ի դատավարությանը՝ նշելով, որ Կոստանյանն ասել էր. «Եթե զենքը վայր դնեք, առավել մեղմ պատիժ կլինի»:

Ի պատասխան Գևորգ Կոստանյանը  պարզաբանեց.  «Ես այդպես չեմ ասել: Ես ասել եմ հետևյալը, եթե հանցագործություն կատարած անձինք, եթե Քրեական օրենսգրքի 218-րդ (շենքեր, շինություններ, կապի միջոցներ գրավելը), 219-րդ (պատանդ վերցնելը) հոդվածներով մեղադրվող անձինք վայր դնեն իրենց զենքեը և հանձնեն շենքեր, շինությունները, պատանդներին բաց թողնեն և հրաժարվեն իրենց պահանջներից, ապա ըստ Քրեական օրենսգրքի 218 և 219 հոդվածների,  վերջիններս ենթակա չեն քրեական պատասխանատվության, եթե նրանց արաքնում այլ հանցակազմի տարրեր չեն պարունակվում: Այսինքն, ինքնին շենքեր-շինություններ ազատելը, պատանդներին բաց թողնելը քրեական օրենսգրքով սահմանված կարգով խրախուսական նորմի կիրառում չէ»:

Նա նշեց, որ չի հետևում դատավարությանը. «Թե հիմա ինչու չի կիրառվում կամ ում նկատմամբ է կիրառվել, ում նկատմամբ` ոչ, ես տեղյակ չեմ, որովհետև դատավարությանը չեմ հետևում»: