Ձեր վստահելի աղբյուրը

«Ոսկե ծիրան»  կինոփառատոնի խաղարկային ֆիլմերի մրցույթում ընդգրկված է հնդիկ ռեժիսոր, սցենարիստ  Սանալ Կումար Սասիդհարանի «Ցանկալի Դուրգան» ֆիլմը, որն այս տարի   Ռոտերդամի ՄԿՓ-ում արժանացել է  Tiger մրցանակի:

Լրագրողների հետ հանդիպմանը Սանալ Կումար Սասիդհարանը նշեց, որ ուրախ է, որ իր ֆիլմն ընդգրկվել է նաև երևանյան կինոփառատոնի մրցութային ծրագրում:

Նրա ներկայացմամբ,  «Ցանկալի Դուրգան»-ը բավականին բարդ ֆիլմ է:

«Առանց սցենարի եմ նկարահանումներ կատարում: Ֆիլմերի միջոցով ուղիղ ուղերձներ չեմ թողնում, այդպես չեմ աշխատում: Ավելի շատ հակված եմ այն մտքին, որ ֆիլմը,  արվեստի ցանկացած այլ ճյուղ, պետք է էմոցիաներ առաջացանի: Յուրաքանչյուր ոք կարող է գտնել իր պատմությունը՝ հիմնվելով իր կյանքի փորձի, հիշողությունների վրա: Կարծում եմ, որ եթե ես կոնկրետ ուղերձ թողնեմ, ապա շատ սահմանափակ կլինի ֆիլմը: Էմոցիաները համամարդկային են, դրանք նույնն են աշխարհի բոլոր մասերում, այդ պատճառով յուրաքանչյուրը կարող են կապվել դրանց հետո»,- ասաց հնդիկ ռեժիսորը:

Նա նաև նշեց, որ ուրախ եմ գտնվել Հայաստանում. «Միջավայրը դրական է, փողոցները լի են երաժշտությամբ»:

Ֆիլմի մասին
Մի կեսգիշեր Հյուսիսային Հնդկաստանից գաղթած Դուրգան և Քաբիր անունով մի երիտասարդ կերալացի փախուստի են դիմում: Նրանք սպասում են փոխադրամիջոցի մոտակա երկաթուղային կայարան հասնելու համար, որպեսզի հեռու տանող գնացք նստեն: Զենք տեղափոխող երկու մանր գանգստեր իրենց օգնությունն են առաջարկու զույգին: Խեղճ Դուրգան գիշերվա մնացած մասն ականատես է դառնում հասարակության դիմագծին: Դուրգայի ուղևորությանը զուգահեռ մեկ այլ խորհրդավոր իրադարձություն է կատարվում: Կերալայի մի գյուղում հավատացլալները զբաղված են ծիսարվեստի մի արարողությամբ՝ ի  հատուցում  Կալի աստվածուհու բնակավայրում խնդիրների լուծման, իսկ Կալին Դուգա աստվածուհու մարմնացյալ ցասումն ու մոլեգնությունն է: