Ձեր վստահելի աղբյուրը

Առողջապահական ոլորտի մասնագետներին դեղերի մասին տրամադրվող տեղեկատվությունն առանցքային նշանակություն ունի դեղի անվտանգ և նպատակային կիրառումն ապահովելու համար:

Դեղատոմսով իրացվող դեղերի մասին մասնագիտական հրատարակությունների միջոցով առողջապահության ոլորտի մասնագետներին տրամադրվող տեղեկատվությունը պետք է առնվազն ներառի այն տվյալները, որոնք հաստատվում են դեղի գրանցման ժամանակ՝ բժշկական կիրառման հրահանգների ձևով:

Տրամադրվող տեղեկատվության ամբողջականությունը և հավաստիությունը, ինչպես նաև գործընթացի հստակությունն ապահովելու համար կառավարությունը հաստատել է դեղատոմսով իրացվող դեղերի մասին տեղեկատվության վերաբերյալ մասնագիտական հրատարակություններին ներկայացվող պահանջները:

Արդյունքում ակնկալվում է հստակեցնել ՀՀ դեղատոմսով իրացվող դեղերի մասին տեղեկատվության վերաբերյալ մասնագիտական հրատարակություններին ներկայացվող հարաբերությունները:

Մասնագիտական հրատարակություններում դեղատոմսով իրացվող դեղերի մասին տեղեկատվությունը պետք է պարունակի հետևյալ տվյալները՝ գրանցման ժամանակ հաստատված բժշկական կիրառման հրահանգին համապատասխան.

1) Դեղի անվանումը,
2) Դեղի ակտիվ բաղադրատարր(եր)ի համընդհանուր անվանումները,
3) Դեղաձևը,
4) Դեղի կիրառման ցուցումները, հակացուցումները,դեղաչափերը և ընդունման եղանակները
5) Դեղի կիրառման հրահանգները և հատուկ նախազգուշացումները,
6) Դեղի փոխազդեցությունները այլ դեղերի հետ կամ այլ բնույթի փոխազդեցությունները,
7) Դեղի կիրառումը վերարտադրողական տարիքում, հղիության և կրծքով  կերակրման շրջանում,
8) Դեղի ազդեցությունը ուշադրություն պահանջող գործողությունների վրա (տրանսպորտային միջոցների վարում, մեխանիզմների հետ աշխատանք) 
9) Դեղի կողմնակի ազդեցությունները,
10) Գերդեղաչափումը,
11) Դեղի անհամատեղելիությունը այլ դեղերի  և սննդի հետ,
12) Դեղադինամիկա (դեղի ազդեցությունները  և դրանց  մեխանիզմները)
13) Դեղակինետիկա (դեղի կենսաքիմիական փոխակերպումների կինետիկ օրինաչափությունները)
14) Դեղի պահպանման առանձնահատկությունները (առկայության դեպքում),
15) Դեղի գրանցման հավաստագրի իրավատիրոջ վերաբերյալ տվյալները
16) Դեղի գրանցման համարը