![](https://panorama.am/news_images/604/1811798_1/4_7259.thumb.png)
Իրանում մեկնարկել է հայկական ֆիլմերի շաբաթը
Իրանի արվեստագետների տան «Նասերի» դահլիճում նախօրեին տեղի է ունեցել հայկական ֆիլմերի շաբաթվա բացման հանդիսավոր արարողությունը, որին ներկա են եղել ԻԻՀ-ում ՀՀ դեսպան Արտաշես Թումանյանը, դեսպանության դիվանագիտական անձնակազմը, Հայաստանից ժամանած կինոռեժիսորներ Արամ Շահբազյանն ու Արեն Վաթյանը, մեծաթիվ հյուրեր:
ՀՀ ԱԳՆ մամուլի, տեղեկատվության և հասարակայնության հետ կապերի բաժնի հաղորդմամբ, միջոցառման ընթացքում ներկայացվել են Իրանի երեք քաղաքներում՝ Թեհրանում, Մաշհադում և Շիրազում հուլիսի 23-ից 29-ը ցուցադրվելիք ֆիլմերն ու դրանց կարճ բովանդակությունը:
Հանդիսությանը ելույթով հանդես է եկել դեսպան Թումանյանը, ով ներկայացրել է հայկական կինոյի անցած ուղին և հայ-իրանական մշակութային առնչությունները:
Բացման արարողությանը հաջորդել է Արամ Շահբազյանի «Մոսկվիչ, իմ սեր» ֆիլմի ցուցադրությունը, որից հետո հայ կինոռեժիսորների մասնակցությամբ տեղի է ունեցել համատեղ քննարկում՝ նվիրված հայկական կինոարվեստի պատմությանն ու կինոյի ոլորտում հայ-իրանական համագործակցության հեռանկարներին:
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան