Ձեր վստահելի աղբյուրը

Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին, ով նախօրեին զրկվել է Ուկրաինայի քաղաքացիությունից, հայտարարել է, որ հասնելու է երկիր վերադառնալու օրինական իրավունքին:

«Ես Ուկրաինայում եմ ապրում ավելի քան 13 տարի, մասնակցել եմ երեք հեղափոխության: Ես միայն մեկ քաղաքացիություն ունեմ՝ ուկրաինական և նրանց չի հաջողվի ինձ զրկել դրանից: Հիմա ինձ ուզում եմ ստիպել ստանալ փախստականի կարգավիճակ: Դա չի լինելու:  Ես հասնելու եմ Ուկրաինա վերադառնալու օրինական իրավունքին»,- Ռիա նովոստիի հաղորդմամբ՝ գրել է Սաակաշվիլին ֆեյսբուքյան իր էջում:

Նա նաև նշել է, որ մեծ ուկրաինացի է, քան շատ այժմյան պատգամավորներ, և շարունակելու է «չնայած ամեն ինչին պայքարը, այստեղ` Ուկրաինայում»:

Երեկ Ուկրաինայի միգրացիոն ծառայությունը հայտարարել էր, որ երկրի նախագահ Պ.Պորոշենկոն զրկել է  Սաակաշվիլուն  Ուկրաինայի քաղաքացիությունից: Ավելի վաղ Սաակաշվիլին ասել էր, որ Վրաստանի քաղաքացիությունը կորցնելուց հետո չունի որևէ այլ քաղաքացիություն, բացի Ուկրաինայից:

Հիշեցնենք, Սաակաշվիլին լքել էր Վրաստանը 2013 թվականին՝  նոր նախագահի ընտրվելուց հետո: Վրաստանի դատախազությունը նրա նկատմամբ մի քանի քրեական գործ էր հարուցել: 2015 թվականին Ուկրաինայի նախագահ Պորոշենկոն նրան տրամադրել է Ուկրաինայի քաղաքացիություն, նշանակել Օսեդայի նահանգապետ: 2016 թ. նոյեմբերին Սաակաշվիլին հրաժարվել է նահանգապետի պաշտոնից։