Ձեր վստահելի աղբյուրը

«Ենթադրվում էր, որ 21-րդ դարում ցեղասպանություններ չպիտի լինեին, սակայն եզդիները «Իսլամապական պետության» կողմից  2014-ին ցեղասպանության ենթարկվեցին: Եզդիների կոտորածը ցեղասպանությունը դասական օրինակ էր»,-այսօր կայացած մամուլի ասուլիսի ժամանակ այս մասին ասաց ԱԺ պատգամավոր Ռուստամ Մախմուդյանը:

«Եզդիներին ցեղասպանեցին աշխարհի աչքի առաջ: 300 հազար եզդիներ այդ օրերից ի վեր՝ դարձել են փախստական, 4 հազար կանայք շարունակում են մնալ գերության մեջ՝ ենթարկվելով աշխատանքային և սեռական ստրկության: 2014 թվականին միայն Սինջար քաղաքում զոհվեց 3 հազար եզդի»,- ասաց եզդի պատգամավորը՝ միաժամանակ հավելելով, որ ԻՊ-ից ազատագրված Սինջարում այժմ կյանքն ընթանում է բնականոն հունով:

Ռուստամ Մախմուդյանն ընդգծեց, որ եզդիների ցեղասպանությունը հետևանք է Հայոց ցեղասպանության՝ միջազգային հանրության կողմից ավելի քան 100 տարի չճանաչելու: Պատգամավորը նշեց՝ ինքը կարծում է, որ հայ ժողովուրդը պատրաստակամ է ճանաչելու և ընդունելու եզդիների ցեղասպանությունը, սակայն դա այնքան էլ հեշտ գործընթաց չէ: 

Խորհրդարանականի համոզմամբ, Հայաստանն առաջնահերթ պետական շահեր, և անգամ ես՝ եզդիական համայնքի ներկայացուցիչս ճիշտ չեմ համարում, որ դրանք վտանգելով՝ շուտափույթ ճանաչի եզդիների ցեղասպանությունը: Այդուհանդերձ ինքը փորձելու է ԱԺ-ում եզդիների ցեղասպանությունը դատապարտող օրինագիծ հեղինակ:

Անդրադառնալով Շամիրամ եզդիաբնակ համայնքում օրերս տեղի ունեցած արյունալի դեպքերին՝ Ռուստամ Մախմուդյանը նշեց, որ կատարվածը զարհուրելի էր և պատիվ չի բերում եզդի ժողովրդին:

«Կատարվում են հսկայածավալ օպերատիվ գործողություններ, կա մեկ ձերբակալված անձ: Ձերբակալվածը կրակողի հորեղբայրն է, ով մեղադրվում է հանցագործությունը պարտակելու, հանցագործին ավտոմեքենայով տեղափոխելու մեջ»,- ասաց նա: