Ձեր վստահելի աղբյուրը

Թուրքիայում Ռուսաստանի քաղաքացու են ծեծել այն բանի համար, որ նա սկսել է լուսանկարել իր ընկերներին։ «Զվեզդա» հեռուստաալիքի փոխանցմամբ՝ այս մասին կինը պատմել է իր ֆեյսբուքյան էջում։

Կնոջ խոսքով՝ իր ընտանքիը ընկերացել է զբոսաշրջիկ մեկ այլ ընտանիքի հետ, և քանի որ կնոջ մոտ լավ ֆոտոխցիկ է եղել, նա համաձայնվել է նրանց լուսանկարել հանգստավայրում։ Մոսկվայի բնակչուհին պատմել է, որ լուսանկարման ժամանակ իրենց են մոտեցել ագրեսիվ տրամադրված թուրքեր և հայտարարել, որ միայն իրենք կարող են այդ  հյուրանոցի տարածքում որպես լուսանկարիչ աշխատել։

Զբոսաշրջիկը փորձել է բացատրել, որ դա կոմերցիոն նկարահանում չէ և ինքը ուղղակի լուսանկարում է իր ընկերներին, սակայն ռուս կնոջ մեջ մրցակից տեսնելով՝ լուսանկարիչը փորձել է նրա նկատմամբ ֆիզիկական ուժ գործադրել։ Ծեծկռտուքի արդյունքում, որին խառնվել են լուսանկարվող ընտանիքի տղամարդը և հյուրանոցի աշխատակիցները, կինը գլխի վնասվածք է ստացել, իսկ նրան պաշտպանող տղամարդը՝ շուրթի պատռվածք։

Տուժածը հայտնել է, որ իրեն հոսպիտալացրել են միայն այն բանից հետո, երբ անձամբ ինքն է շտապօգնություն կանչել։ Ինչպես պարզաբանել է կինը, հյուրանոցի անձնակազմը չի փորձել առաջին օգնություն ցույց տալ, բայց հյուպատոսություն դիմելուց հետո առաջարկել են բարձրացնել հյուրանոցի համարի կարգը և խոստացել, որ միջադեպը հրահրողները պաշտոնապես ներողություն կխնդրեն։ Շտապ մեկնելու պատճառով կինն այդպես էլ չի փոխել համարը, իսկ ներողություն ոչ ոք այդպես էլ չի խնդրել նրանից։